УИХ-ын чуулганы өнөөдрийн \2022.01.31\ нэгдсэн хуралдаанаар Монгол Улсын 2022 оны төсвийн тухай хуульд өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хийлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн С.Чинзориг: 

217 тэрбум төгрөгөөр эрүүл мэнд,Онцгой байдлаас бусад салбарын урсгал зардлыг бууруулах гэсэн байна. Урсгал зардлын ингэж бууруулж чадах уу? 2022 оны төсвийг угаасаа танаж гаргасан. тэтгэвэр нэмэгдүүлсэн Засгийн газрын тогтоолыг гаргахдаа анхаарахгүй бол том гажуудал үүснэ. Одоо бүрэн тэтгэвэр авч байгаа иргэдийн 52 хувь нь доод тэтгэвэр авч байгаа.

Цаашдаа төлсөн тэтгэмжээсээ шалтгаалан өөр өөр тэтгэвэр авдаг тогтолцоо хүн бүр тэгшитгэсэн тэтгэвэр авах тогтолцоо уруу явах юм байна. Уг нь доод тэтгэврээ 150 мянгаар бусад тэтгэврээ 100 мянган төгрөгөөр жигд нэмэгдүүлээд явах хэрэгтэй.Одоо сайдын хэлж байгаагаар 15 хувиар нэмэгдвэл бага тэтгэвэр авдаг багш, эмч нарын цалин нэмэгдэхгүй.

С.Чинзориг: 450-600 мянган төгрөгийн тэтгэвэр авдаг иргэдийн тэтгэврийг 100 мянган төгрөгөөр нэмэх боломж бий юу?

Сэтгүүлч

Сэтгүүлч Ц.Соёлмаа soyolmaa@vip76.mn