Ахмадын тухай хууль, Нийгмийн халамжийн тухай хуулийн хэрэгжилтийг хянан шалгах, ахмад настны асрамжийн газрын үйл ажиллагаатай газар дээр нь танилцах ажлын хэсэг Увс аймгийн Улаангом хотод ажиллаж байна.

Увс аймаг дахь Баруун бүсийн Ахмадын асрамж үйлчилээний төв нь 1939 онд Өнчин ядуусыг асрах газар нэртэй байгуулагдсан. 30-35 хүн хүлээж авах хүчин чадалтай бөгөөд одоо 15 асруулагч, харуул хамгаалалтын 4 ажилтантай нийлээд 14 ажилтан ажиллаж байна. Хамгийн өндөр настай асруулагч 88-тай бөгөөд хамгийн бага нь 19 настай асруулагч байна.

Тус төвд агааржуулалтын систем хоолойн шинэчлэлт, фургон авто машин, гал тогооны цахилгаан тоног төхөөрөмж , чийрэгжүүлэлтийн тоног төхөөрөмж нэн түрүүнд шаардлагатай байгаа талаар Хөдөлмөр,халамжийн үйлчилгээний газрын дарга Д.Цогт-Очир хэллээ.