Дундговь аймагт “Саальчин эмэгтэйчүүдийн анхдугаар чуулган” боллоо
Монголын эмэгтэйчүүдийн холбооны Дундговь аймаг дахь салбараас санаачлан “Саальчин эмэгтэйчүүдийн анхдугаар чуулган”-ыг зохион байгууллаа.
Чуулганыг аймгийн ЗДТГазар, ИТХурал, ХАА-н газар, аж ахуй нэгжүүд, урлаг соёлын байгууллагууд хамтран зохион байгуулсан бөгөөд 15 сумын 400 гаруй саальчин бүсгүйчүүд оролцсон юм.
![](https://vip76.mn/media/news/original/2022/05/26/a5812499797d03abca96709ca7c8e9b3.jpg)
Саальчин эмэгтэйчүүд маань нутгийн брэнд бүтээгдэхүүнээ алдаршуулах, орон нутгийн онцлогтой цагаан идээ боловсруулах, жижиг дунд үйлдвэрийг дэмжиж ажиллах зэрэг олон оновчтой саналуудыг дэвшүүлсэн юм.
Анхдугаар чуулганы төлөөлөгчдийн хамгийн ахмад нь 92 настай, хамгийн залуу нь 23 настай саальчид байлаа. Дундговь аймаг 48 мянга орчим хүн амтайгаас 51 хувь нь эмэгтэйчүүд байдаг. Мөн аймгийн төрийн байгууллагад 3200 орчим хүн ажиллаж байгаагаас 70 хувийг эмэгтэйчүүд эзэлдэг.
![](https://vip76.mn/media/news/original/2022/05/26/89da088688601e9465c1a55c6e8f224b.jpg)
Одоогоор Дундговь аймгаас улсын аварга саальчин гурав төрөөд байгаа бөгөөд Гурвансайхан сумаас “аварга саальчин” сүүлийн 2 жил дараалан тодорсон нь нутаг усаа дээдлэн малч ухаанаа өвлөж ирсэн говийн эмэгтэйчүүдийн ажилсаг хичээнгүй болохын жишээ манлайлал юм.
![](https://vip76.mn/media/news/original/2022/05/26/8f8fca55bb487cf4eb60b57ba7668f2c.jpg)
УИХ-ын гишүүн Г.Мөнхцэцэг Дундговь аймагт “Их соёл-Эх үндэс”, “Ижий говь”, “Шинэ хөдөө” төслүүдийг хэрэгжүүлж, аймаг орон нутгийн урлаг соёл боловсрол, хөдөө аж ахуйн салбарт хөрөнгө оруулалтыг нэмэгдүүлэхэд анхаарч ажиллаж ирсэн. Энэ чуулганаар төслийн хүрээнд хийгдэж буй ажлуудаа бүсгүйчүүддээ танилцууллаа.
Холбоотой мэдээ
2024.06.15
2024.05.21
2024.05.15