УИХ-ын чуулганы /2022.06.09/-ний өдрийн хуралдаанаар Төрийн албан хаагчийн ёс зүйн тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

УИХ-ын гишүүн С.Чинзориг:

Төрийн албан хаагчдаас ёс зүй шаардах нь зүйн хэрэг байх. Гэхдээ бид төрийн албан хаагчдаас ёс зүй шаардахын зэрэгцээ төрийн албаны хуулийг хэрэгжүүлэх, хэрэгжүүлэлтийг хангах талаар төрийн албаны зөвлөл энэ үүргээ шударгаар, хариуцлагатайгаар биелүүлж чадаж байна уу гэдгийг ярих хэрэгтэй. Төрийн албаны зөвлөл албан хаагчдынхаа эрх ашгийг хамгаалж чадаж байна уу. Төрийн албаны тухай хуулийн шинэчилсэн найруулгыг баталсантай холбоотойгоор төрийн албаны зөвлөлийн ажиллах нөхцөл, боломж, орон тоог нэмэгдүүлсэн. Төрийн албаны тухай хуулийн хэрэгжилтийг хангуулахтай холбоотойгоор зөвлөлийн эрх хэмжээг нэмж өгсөн. Хууль зөрчиж ажил албан тушаалд төрийн албан хаагчийг томилсон бол тухайн шийдвэр гаргасан сайдын төрийн нарийн бичгийн дарга, аймгийн засаг даргын тушаалыг хүчингүй болгох эрхийг хүртэл уг зөвлөлд хуулиар өгсөн. Гэтэл төрийн албаны тухай хуулийн хэрэгжилтийн хангуулах талаар, ялангуяа улстөрөөс ангид байх чадварт суухгүй байна гэж бодож байна.