УИХ-ын гишүүн Ж.Бат-Эрдэнэ 2017 оноос эхлэн жижиг дунд үйлдвэрлэлийг хөгжүүлж, ажлын байр нэмэгдүүлэх, малын үүлдэр угсааг сайжруулах, хүнсний аюулгүй байдлыг хангахад чиглэсэн “Шинэ хөдөө” төслийн санаачлан хэрэгжүүлж эхэлсэн юм.

Түүний хувьд энэхүү төсөлтэй агаар нэг Монгол улсын Ерөнхийлөгчийн санаачилсан “Хүнсний хангамж, аюулгүй байдлын талаар авах зарим арга хэмжээний тухай” тогтоолын төслийг “Хүнсний хувьсгал” гэж харж, дэмжиж байгаагаа илэрхийлсэн билээ. Түүнчлэн энэ тогтоолын төсөл дээр малын эрүүл мэнд болон малчид, жижиг дунд үйлдвэрлэлтэй холбоотой асуудлууд тодорхой тусгагдаагүй тул холбогдох яам, хариуцсан албан тушаалтнуудаас асуулга асуулаа.

УИХ-ын гишүүн Ж.Бат-Эрдэнэ Экологийн цэвэр бүтээгдэхүүн хэрэглэе гэвэл малчид, жижиг, дунд үйлдвэрлэгчидээ дэмжих нь хамгийн зөв алхам болно. Ингэж байж шинээр ажлын байр бий болж, зарим нь ажлын байраа өргөжүүлэх давхар ач холбогдолтой. Монгол хүний хүнсний хэрэгцээний гол нэрийн бүтээгдэхүүн болсон мах, махан бүтээгдэхүүн, малын эрүүл мэндийн асуудлаа тодорхой шийдвэрлэж байж, хүнсний аюулгүй байдлаа хангаж чадах юм гэдгээ илэрхийлээд байна.

УИХ-ын чуулганы /2022,06,17/-ны өдрийн хуралдаанаар Монгол Улсын Ерөнхийлөгчөөс 2022 оны 05 дугаар сарын 20-ны өдөр өргөн мэдүүлсэн, “Хүнсний хангамж, аюулгүй байдлыг хангах талаар авах зарим арга хэмжээний тухай” Улсын Их Хурлын тогтоолын төслийг хэлэлцэж баталсан.

Энэ хуулийг хэлэлцэх үеэр УИХ-ын гишүүн Ж.Бат-Эрдэнэ дараах байр суурийг илэрхийлж байсан.

Монгол улсын Ерөнхийлөгч 5 жилийн хугацаанд малын бүх өвчнөөс салъя, эрүүл мэндийн хувьсгал хийе гэсэн. Энэ хувьсгалын хүрээнд ямар зүйл энэ тогтоолд тусгасан бэ. Жижиг дунд үйлдвэрлэл, хоршоотой холбоотой, хөдөөгийн үйлдвэрлэлийг дэмжих асуудлууд дутуу орж ирсэн гэж харагдаад байна. Мал махан бүтээгдэхүүний борлуулалттай холбоотой, боловсруулах, бэлтгэн нийлүүлэх жижиг үйлдвэрүүдийг аймаг, сумдын хэмжээнд хэр хэмжээтэй хийх боломж, бололцоо гарч байна вэ? Үүн дээр би 30 орчим тэрбум төгрөг суулгая гэсэн саналтай байгаа. Энэ мөнгө 300-аад аж ахуй нэгжид очих боломжтой.

Сэтгүүлч

Сэтгүүлч Ц.Соёлмаа soyolmaa@vip76.mn