УИХ-ын гишүүн Б.Бейсен Монголын мэс засалч эмч нарын холбооны чуулганд оролцлоо
2022.10.24

УИХ-ын гишүүн Б.Бейсен Монголын мэс засалч эмч нарын холбооны чуулганд оролцлоо

УИХ-ын гишүүн Б.Бейсен Монголын мэс засалч эмч нарын холбооны ХIV чуулганд оролцож, мэндчилгээ дэвшүүллээ.

Даяаршиж буй дэлхий ертөнцөд анагаахын шинжлэх ухааны шинэ ололтууд хурдацтай түгэн дэлгэрч буй энэ цаг үед Монголын мэс засалч эмч нар хүн амд үзүүлж буй тусламж, үйлчилгээгээ дэлхийн түрлэгтэй чадварлаг хослуулж, олон улсын эрдэм шинжилгээний хамтарсан судалгааны орчинд идэвхитэй байр суурь эзэлж, эрүүл мэндийн тусламж үйлчилгээний чанар, үр өгөөжийг улам сайжруулж ажиллахын тулд Монголын мэс засалч эмч нарын холбооны XIV чуулганыг “Дурангийн мэс заслын өнөөгийн ололт, чиг хандлага, аюулгүй байдал” сэдвээр зохион байгуулжээ.

 
Хоёр жил тутамд зохион байгуулдаг тус чуулганд нийслэл, хөдөө орон нутгийн нийт 200 гаруй мэс заслын эмч нар оролцож, өөрсдийн ололт амжилт, алдаа оноог дүгнэн хэлэлцэж, шинэ технологи тэр дундаа бага хөнөөлт мэс засал болох дурангийн мэс засал, дэлхийн мэс заслын чиг хандлагын талаар зөвлөлдөв.

УИХ-ын гишүүн Б.Бейсен дэлхийн мэс заслын чиг хандлагын талаар мэдээлэл солилцохоор гадаадын эмч, мэргэжилтнүүдийг оролцуулан хот, хөдөөгийн мэс засалчдын ур чадварын ялгааг арилгах, хамтран ажиллах бодлого төлөвлөлтийг боловсруулах тал дээр анхаарч ажиллана гэлээ.