Төв аймгийн Батсүмбэр суманд байрладаг Ахмад настны Үндэстний төвд очиж, тус байгууллагын үйл ажиллагаа, ахмадуудынхаа амьдарч буй орчин нөхцөлтэй танилцлаа.

Өнөөдрийн байдлаар энэ төвд 177 ахмад үйлчлүүлж байгаа бөгөөд 40 гаруй нь байнгын асаргаатай байна. Энд тогтвортой ажиллах эмч, мэргэжилтэн, хүний нөөц гээд анхаарах асуудлууд ч байна.

Цаашид салбарын маань нэг чухал асуудал болсон ахмад настны амьдралын чанар, аж байдлыг сайжруулах, орлогын баталгааг нь бууруулахгүй байхаас эхлээд хөгжил, оролцоог нь дэмжих, нийгмийн суурь үйлчилгээг авах боломжийг нэмэгдүүлэх чиглэлээр онцгойлон анхаарна.

Мөн энэ үеэр тус төвд зочлон ирж ахмадуудтай нэг өдрийг өнгөрүүлсэн "Өсвөрийн парламент-2022" хөтөлбөрийн оролцогчид, Монголын Скаутын холбооны төлөөлөл болсон 30 гаруй сурагчдадаа баярлалаа.

Хүүхдүүд ахмадууддаа зориулж урлагийн тоглолт үзүүлж, хамт дуулж бүжиглэн, зураг зурж,гар урлал хийж нэгэн өдрийг дурсамжтай сайхан өнгөрөөсөнд баяртай байна.

Та нарынхаа цаашдын сурлага хөдөлмөрт өндрөөс өндөр амжилт хүсье!