Монгол Улсын Их Хурлын 2023 оны хаврын ээлжит чуулган энэ сарын 07-ны өдөр хаалтаа хийсэн. Хаврын чуулган ажлын 82 өдөр үргэлжилж, 200 шахам хууль, УИХ-ын 65 тогтоол баталснаар өндөрлөсөн. Чуулган өндөрлөхтэй зэрэгцэн 2023 оны хаврын чуулганы статистик үзүүлэлтээр УИХ-ын гишүүн Ж.Бат-Эрдэнэ "Хууль тогтоомжийн төслийг хэлэлцүүлэгт бэлтгэх үүрэг бүхий ажлын хэсэгт хамгийн олон удаа орж ажиллаж, хууль тогтоомж батлуулсан гишүүн"-ээр тодорсон байна.

УИХ-ын 2023 оны хаврын ээлжит чуулган ихээхэн ачаалалтай байж, улс орны нийгэм, эдийн засаг, улс төрийн тогтолцоог өөрчлөн шинэчлэх асуудлуудаар эрх зүйн томоохон реформ хийсэн ШИНЭЧЛЭЛИЙН ЧУУЛГАН болж чадлаа гэж УИХ-ын дарга Г.Занданшатар дүгнэж хэлсэн. Үндсэн хуулийн өөрчлөлтөөс эхлээд УИХ-ын сонгуулийн тухай, Улс төрийн намын тухай, 2023 оны төсөвт тодотгол хийж нийгмийн халамж, иргэдийн амьжиргааг дэмжсэн, цалин тэтгэвэр нэмсэн гэх мэт 200 гаруй хуулийн баталсан. Эдгээр хууль, тогтоолыг батлахад хамгийн өндөр оролцоотой байж, олон хуулийн төслийг санаачлан, хэлэлцүүлэгт бэлтгэх ажлын хэсгийг ахалж, гишүүнээр ажилласан УИХ-ын гишүүн бол Ж.Бат-Эрдэнэ аж. Тиймдээ ч энэхүү өргөмжлөлийн эзэн болжээ.

УИХ-ын гишүүн бол хууль тогтоох үндсэн үүрэгтэй. Тэрээр энэ үүргээ хариуцлагатай биелүүлсэн. Жишээлбэл Ж.Бат-Эрдэнэ гишүүний ахалж, батлуулсан "Уул уурхайн биржийн тухай хууль" хэрэгжиж эхлээд жил болоогүй ч далд эдийн засгийг ил болгож, хулгайг таслан зогсоон, улс орны эдийн засгийн үзүүлэлт өссөнөөр цалин, тэтгэвэр, асаргааны мөнгө нэмэгдэх боломж бүрдсэн.

Хаврын чуулганы хугацаанд тэрээр дараах хуулийн төслүүд дээр ажилласан байна.

АЖЛЫН ХЭСЭГ АХАЛСАН:
1. Уул уурхайн биржийн тухай хууль
2. Төмөр замын тээврийн тухай хууль
3. Иргэний нисэхийн ерөнхий хууль
4. Хөдөө аж ахуйн биржийн тухай хууль
АЖЛЫН ХЭСГИЙН ГИШҮҮН:
1. Таримал ургамлын тухай хуулийн төсөл
2. 2023 оны төсвийн тухай хууль
САНААЧИЛСАН ХУУЛЬ:
1. Боловсролын тухай хуульд нэмэлт өөрчлөлт оруулах тухай
2. Төсвийн тухай хуульд нэмэлт өөрлөлт оруулах тухай
3. Даатгалын тухай хуульд нэмэлт өөрчлөлт оруулах тухай
4. Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуульд нэмэлт өөрчлөлт оруулах тухай
5. Газрын тухай хуульд нэмэлт өөрчлөлт оруулах тухай
6. Төрийн албаны тухай хуульд нэмэлт өөрчлөлт оруулах тухай хуулийн төсөл байна.

Одоогийн парламент хаврын чуулганы хугацаанд 3 чиглэлээр 10 багц эрх зүйн шинэчлэл хийхээр төлөвлөж, энэ зорилгодоо хүрэх томоохон алхмуудыг хийж чадсан. Цаашлаад "Авлигын эсрэг эрх зүйн шинэчлэл хийх чуулган байх болно” гэж Г.Занданшатар даргын хэлсэнчлэн энэ удаагийн чуулганаар Авлигатай тэмцэх үндэсний хөтөлбөр, Төрийн албан хаагчийн ёс зүйн хуулиудыг баталж гаргалаа.

Энэ бүх эрх зүйн шинэчлэл, улс орны нийгэм эдийн засгийн тогтолцоог сайжруулах, иргэдийн амьдралд дэмжлэг үзүүлэх олон хууль тогтоомжийг сайжруулан боловсруулах ажилд Ж.Бат-Эрдэнэ гишүүн мэдлэг, зүтгэлээ зориулан ажиллажээ.

Ж.Бат-Эрдэнэ гишүүн хаврын чуулганы хугацаанд хамгийн олон хуулийн төслийн ажлын хэсэгт орж ажиллан, батлуулжээ