УИХ-ын 2024 оны ээлжит сонгуульд МАН-аас жагсаалтаар #19 нэр дэвшигч Боловсрол, шинжлэх ухааны дэд сайд Ганболдын Ганбаярыг танилцуулж байна.

Монгол Ардын нам хуучин тогтолцоог халж энэ удаагийн сонгуульд салбар бүрийн төлөөллийг жагсаалтаар нэр дэвшүүлсэн. Нийгмийн төлөөлөл бүрийг жагсаалтдаа оруулсан нь МАН-ийн 2024 оны сонгуулийн гол онцлог гэж хэлж болно. Уг жагсаалтын #19 дүгээрт эрэмбэлэгдсэн Дэд сайд Г.Ганбаяр нь 1979 онд Улаанбаатар хотод төрсөн. Эхнэр, хүүхдүүдийн хамт амьдардаг. 1997 онд нийслэлийн 84 дүгээр дунд сургууль, 2002 онд Санхүү, эдийн засгийн дээд сургууль, 2004 онд мөн сургуулийг тус тус төгссөн. Эдийн засагч мэргэжилтэй. Эдийн засгийн ухааны магистр зэрэгтэй юм.

Тэрээр, 2001-2002 онд Монгол Улсын Их Хурлын Тамгын газарт Хэвлэл мэдээллийн ажилтан, 2003-2007 онд ТВ-5 телевизэд Ерөнхий менежер, 2008-2012 онд нийслэлийн иргэдийн Төлөөлөгчдийн Хурлын төлөөлөгч, Нийгмийн бодлогын хорооны дэд дарга, 2011-2012 онд Нийслэлийн хөрөнгө оруулалтын газарт Хэлтсийн дарга, 2012-2016 онд нийслэлийн иргэдийн Төлөөлөгчдийн Хурлын төлөөлөгч, Нийгмийн бодлогын хорооны дарга, 2013-2015 онд МАН-ын Удирдах зөвлөлд Хэвлэл мэдээлэл, улс төрийн мэргэжилтэн, 2015-2018 онд МАН-д Газрын даргаар тус тус ажиллаж байсан.

2018 оноос Боловсрол, шинжлэх ухааны дэд сайдаар ажиллаж байна. 

Сэтгүүлч

Сэтгүүлч Б.Хонгорсайхан