Сонгинохайрхан дүүргийн удирдах ажилтнуудын ээлжит шуурхай зөвлөгөөн өнөөдөр боллоо.

СХД-ийн Засаг дарга Б.Хуягбаатар хурлын үеэр нэг хүний биш, нийтийн эрх ашиг чухал гэдгийг онцлон Өвөлжилт, хот нийтийн аж ахуйтай холбоотой техник хэрэгслийн судалгааг гаргах, Явган хүний зам хааж тавьсан тээврийн хэрэгслүүдийг чөлөөлөх, Хог тээвэрлэлтийг сайжруулах богино хугацааны менежмент боловсруулж үр дүнг нь үзэх шаардлагатайг онцлов.

Мөн нийт удирдлагуудад дараах чиглэлийг өгөв.
-Нийтийн эзэмшлийн гудамж, зам талбай, ногоон байгууламж, гүүрэн байгууламжийн арчлалт, хамгаалалтын зардлыг төсөвт тусгаж байх зохицуулалтыг хийж ажиллах
-Нутгийн захиргааны бүх шатны байгууллагууд гадна орчны тохижилтыг хийх, Захирагчийн ажлын алба, дүүргүүд өөрсдийн нутаг дэвсгэрийн аж ахуйн нэгж, байгууллагуудтай уулзалт зохион байгуулж, орчны тохижилтыг хийлгүүлэх ажлыг зохион байгуулах
- Дүүргийн хэмжээнд архидан согтуурахтай тэмцэх чиглэлээр тодорхой ажил зохион байгуулах
- Давс, бодис нөөцлөх ажлаа эрчимжүүлэх
- Нутаг дэвсгэрийн хэмжээнд хүүхдийн тоглоомын талбайн засвар, арчлалтыг хийж, эзэнжүүлэх ажлыг зохион байгуулах

АРХИДАН СОГТУУРАХТАЙ ТЭМЦЭХ ЧИГЛЭЛЭЭР НӨЛӨӨЛЛИЙН АРГА ХЭМЖЭЭ ЗОХИОН БАЙГУУЛНА