Байр суурь2 мин унших
А.Ганбаатар:Засгийн газар шар нунтаг эцсийн бүтээгдэхүүн мөн эсэхийг зарлах нь зүйтэй
УИХ-ын чуулганы /2025.01.09/-ны өдрийн хуралдаанаар “Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай” Улсын Их Хурлын тогтоолын төслийн анхны хэлэлцүүлгийг хэлэлцлээ.
УИХ-ын гишүүн А.Ганбаатар асуулт асуулаа.
За тогтоолын төслийг бүхэлд нь бол дэмжиж байна.Тогтоолын төсөл батлагдсанаар одоо Зөөгч овоо дулаан уулын ураны ордын хөрөнгө оруулалтын гэрээ байгуулагдаад, Монгол Францын хамтарсан ураны төсөл үр дүнтэй, цаашид ажиллана гэсэн итгэл байна. Гэхдээ энэ төслийн хүрээнд 34%-ийн энгийн хувьцааг, 10%-ийн давуу эрхийн хувьцаа, 5%-ийн ашигт малтмалын нөөц ашигласны тусгай төлбөрөөр орлуулаад, 9%-ийн өсөн нэмэгдэх Амнат -аа цуглуулна. Ийм тохиолдолд улс болон орон нутгийн төсөвт 5,1тэрбум доллар төвлөрөх боломжтой гэж байгаа. Энэ нь бол одоо Амнатаар орлуулснытөвлөрөл орлого. Бид нарын мэдэж заншсанаар Оюутолгойнгэрээний34% -ийг Төр эзэмшдэг гэсэн нийтийн ойлголт бий.
Хэрвээ 34%-аа эзэмших юм бол 5,6 тэрбум доллар төвлөрнө гэж байгаа. Харин энэ гэрээнд үүнээс өөр хувилбараар хийсэн давуу тал байна уу? Иргэд үүний ялгааг ойлгохгүй байна. Шууд харахад ингээд 5,6 мөн 5,1 хоёрыг харьцуулахаар 34%-ийн гэрээгээ хийгээд хүлээсэн нь дээр юм шиг харагдаад байгаа. Маргаашийн өөхнөөс, өнөөдрийн уушги гэдэг зарчмаар ажиллаж байгаа бол Н.Учрал сайд болон мэргэжлийн хүмүүс маань олон нийтэд энэ мэдээллээ маш сайн хэлж өгөх хэрэгтэй.
Сэтгүүлч soyolmaa
