Гэр бүл, хөдөлмөр, нийгмийн хамгааллын яам, Залуу судлаачдыг дэмжих сан ТББ-тай хамтран нийгмийн хамгааллын үндэсний тогтолцооны концевц, загварыг боловсруулах судалгааны ажил хийж байна.

Тус тогтолцооны загварт гэр бүл хүн амыг дэмжих, хөдөлмөр эрхлэлтийг дэмжих тогтолцоо, нийгмийн даатгал, нийгмийн халамж гэсэн үндсэн 4 тогтолцооны загварыг гаргах, одоо хэрэгжүүлж буй тогтолцооны алдаа дутагдлыг илрүүлэх, цаашид хийх шинэчлэлүүдийг цогцоор нь гаргана.

Өнөөдөр нийгэмд халамж хавтгайрсан гэдэг ойлголт бий. “Хүүхдийн мөнгө”, “Эхийн алдар” одонгийн тэтгэмж зэргийг халамжийн сангаас олгодог буруу тогтолцооноос үүдэж ийм ойлголт төрүүлж байна.

Зөвхөн халамж, даатгалыг биш хамгийн гол нь 4 салбарын үйл ажиллагааг цогцоор нь тодорхойлох, зарим шийдлийг хооронд нь уялдуулж, үүнээс гадна Боловсролын яам, Эрүүл мэнд, Сангийн яамтай уялдуулна.

Цаашдаа нийгмийн хамгааллын үндэсний тогтолцоо буюу Монгол Улсын иргэн төрөхөөс нас барах хүртэл авах нийгмийн хамгааллын үйлчилгээг том зургаар нь харах тогтолцооны загварыг гаргахаар хамтран ажиллаж байна

Нийгмийн хамгааллын үндэсний тогтолцооны загварыг боловсруулж байна