Цагдаагийн байгууллгаас зарим гэмт хэргийг анхааралдаа авахаар болов. Тодруулбал, сошиал хэрэглэгчдийн тоо нэмэгдэхийн хэрээр цахим залилангийн гэмт хэрэг эрс нэмэгдэж хил дамнах болжээ.

Ялангуяа зүүн Азийн орнуудаас чиглэсэн телеграмм залилан өнгөрсөн оны долоодугаар сараас эхлэн нэмэгдсэн байна.

Иймд гэмт хэргийн гаралтыг бууруулах, урьдчилан сэргийлэх чиглэлд Нийслэлийн ИТХ-ын Засаглал, эрх зүйн хороо Нийслэлийн Цагдаагийн удирдах газар хамтан ажиллахаар болж байна НИТХ-ын Засаглал, эрх зүйн хорооны дарга Б.Сэмжидмаа болон Нийслэлийн цагдаагийн удирдах газрын дарга Э.Товуудорж нар санал солилцож энэхүү шийдвэрт хүрчээ.

Нийслэлийн цагдаагийн удирдах газраас нийслэлийн хэмжээнд бүртгэгдэж буй гэмт хэрэгтэй холбогдуулан зохих мэдээллийг танилцуулсан юм.

Тодруулбал, өнгөрсөн онд нийслэлийн хэмжээнд гэмт хэргийн шинжтэй нийт 193 мянга гаруй санал, гомдол мэдээлэл бүртгэгджээ. Үүний 54.8 хувь нь зөрчлийн шинжтэй байсан бол үлдсэн 46.2 хувь нь гэмт хэргийн шинжтэй гомдол, мэдээлэл байна.

Нийслэлд бүртгэгдэж буй гэмт хэргийг арга, хэлбэрээр нь ангилбал цахим орчинд үйлдэгдсэн 10960, эмэгтэй хүн оролцсон 4722, согтуугаар үйлдэгдсэн 2492, гэр бүлийн хүчирхийллийн улмаас 697, хүүхэд оролцсон 971 хэрэг бүртгэгдсэн байна.

Түүнчлэн энэ үеэр НИТХ-ын Засаглал, эрх зүйн хороо 2025 оны үйл ажиллагааны төлөвлөгөөгөө баталлаа.