Архангай аймгийн 19 сумын 300 гаруй хоршоологч чуулсан зөвлөгөөнд УИХ-ын гишүүн М.Мандхай УИХ-ын дарга Д.Амарбаясгалан, УИХ-ын гишүүн Г.Хосбаярын хамт оролцлоо.

Зөвлөгөөнөөр М.Мандхай "Шинэ хоршоо" үндэсний хөтөлбөрөө танилцуулж, хоршоологчид сайн туршлагаа хуваалцаж, хамтын ажиллагааг өргөжүүлэх боломж, тулгамдаж буй асуудлаа хэлэлцэхээс гадна хөдөө аж ахуйн бүтээгдэхүүний нэмүү өртөг шингэсэн үйлдвэрлэл хөгжүүлэх талаар санал солилцсон юм.

Мөн энэ үеэр Жаргалант, Булган, Тариат, Хашаат, Эрдэнэбулган сумын хоршоологчид бүтээгдэхүүний үзэсгэлэнгээ танилцууллаа.