Хан-Уул дүүргийн Иргэдийн Төлөөлөгчдийн Хурлын ээлжит бус V хуралдаан өнөөдөр болж дүүргийн орон нутгийн 2013 оны төсөвт тодотгол хийх, газар зохион байгуулалтын 2013 оны төлөвлөгөөний биелэлтийн явц, нутаг дэвсгэрийн зарим газрыг орон нутгийн хамгаалалтад авах тухай асуудлыг хэлэлцэн шийдвэрлэлээ.

Хуралдаанаар дүүргийн орон нутгийн 2013 оны төсөвт 1.3 тэрбум төгрөгийг тодотгож сургууль, цэцэрлэг, өвөлжилтийн бэлтгэл ажилд зарцуулахаар тодотгож өгөв.

Хуралдаанаар дүүргийн орон нутгийн 2013 оны төсөвт 1.3 тэрбум төгрөгийг тодотгож сургууль, цэцэрлэг, өвөлжилтийн бэлтгэл ажилд зарцуулахаар тодотгож өгөв. Түүнчлэн газар зохион байгуулалтын ажлыг 2013-2014 онд эрчимжүүлж, хууль тогтоомж болон дээд шатны байгууллагаас гарсан тогтоол, шийдвэрийг хэрэгжүүлж ажиллахыг дүүргийн Засаг дарга Ж.Ганхуягт үүрэг болгов. Ээлжит бус хуралдаанд ИТХ-ын Төлөөлөгч, Байгаль Орчин Экологийн Хорооны дарга П.Ганбатын санаачлагаар өөрийн бүрэн эрхийн дагуу хэлэлцүүлэхээр санал оруулсан Хан-Уул дүүргийн 13 дугаар хорооны нутаг дэвсгэр Сонгинохайрхан уулын урд өвөр тал, Туул гол, Түргэний голын бэлчир “Хэрэйдийн Тоорил ханы Түнийн ордоны туурь, Есүй хатны өргөө болон Чингис хааны төрийг удирдах гуравдугаар ордон” болох түүх, соёлын дурсгалт зүйлс байрлах газрыг орон нутгийн тусгай хамгаалалтад авах тухай асуудлыг хуралдаанд оролцогчдын олонхийн саналаар батлалаа.