У.Хүрэлсүх 2019.09.23 | Vip76.mn

Ерөнхий сайд У.Хүрэлсүх “Эх орон дуудаж байна” арга хэмжээнд биечлэн очиж танилцлаа

Ерөнхий сайд У.Хүрэлсүх “Эх орон дуудаж байна” арга хэмжээнд биечлэн очиж танилцлаа

Халхын голын 1939 оны байлдааны ялалтын 80 жилийн ойд зориулан “Эх орон дуудаж байна” цугларалт, сургалт 2019 оны 9-р сарын 19-өөс 22-ны өдрүүдэд Орхон аймгийн ЗДТГ болон Цэргийн штабаас “Монгол цэргийн нэгдсэн холбоо”-той хамтран зохион байгуулж байгаа. Баян-Өндөр, Жаргалант сумын бүх багийн төлөөлөл 18-35 насны 3000 залуу ийнхүү гурван өдөр цэрэг иргэний амьдралаар амьдарч эх орноо хайрлах ,соён гэгээрүүлэх үйл ажиллагаанд амжилттай оролцсон байна.

Энэхүү үйл ажиллагаанд Монгол улсын Ерөнхий сайд У.Хүрэлсүх өөрийн биеэр оролцож Эрдэнэтийн залууст амжилт хүслээ. “Эх орон дуудаж байна” цугларалт, сургалт нь залууст эх оронч үзлийг төлөвшүүлэх, тусгаар тогтнолын үнэ цэнийг ойлгуулан таниулах зэрэг олон талын ач холбогдолтойг зохион байгуулах ажлын хэсгээс онцолж байна. Уг цугларалт, сургалтанд хамрагдаж буй 3000 иргэнийг нээлттэй бүртгэжээ. Энэхүү үйл ажиллагаанд хамрагдаж буй залуусыг тус бүр нь 100 хүнтэй багт хувааж, залуусыг эх орны үнэ цэнийн талаарх лекц, сургалтад хамруулж, цэрэг спортын буухиа тэмцээнийг зохион байгуулж шилдэг багуудаа шалгаруулжээ.

Энэ удаагийн анх удаагаа олон нийтийн хамарсан цэрэг спортын арга хэмжээнд Жаргалант сумын залуус тэргүүлж мөнгөн шагналаар шагнагдлаа. Монгол улсын Ерөнхий сайд У.Хүрэлсүх залуустай өөрийн биеэр уулзаж, эх орноо хайрлах элгэн саднаа энэрэх, сайн шударга зөв иргэн байхыг уриалж Эрдэнэтчүүд өнгөтэй байгааг онцолсон юм. Ерөнхий сайд У.Хүрэлсүх маргааш буюу 2019 оны 9 сарын 23 -ны өдөр Булган аймагт ажиллах юм байна.