Б.Бат-Эрдэнэ 2019.10.15 | Vip76.mn

Б.Бат-Эрдэнэ: Сав газрын захиргааны үйл ажиллагаа ямар байна вэ?

УИХ-ын Байгаль орчин, хүнс, хөдөө аж ахуйн байнгын хорооны /2019.10.15/ хуралдаанаар  Усны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн “Тогтоолын хавсралтад нэмэлт оруулах тухай” Улсын Их Хурлын тогтоолын төсөл /Засгийн газар 2019.09.25-ны өдөр өргөн мэдүүлсэн, хэлэлцэх эсэх/ хэлэлцлээ.

Энэ үеэр УИХ-ын гишүүн Б.Бат-Эрдэнэ

Усны тухай хуулийн төслийг дэмжиж байгаа. Бид өнгөрсөн хугацаанд байгаль орчны багц хуулиудад өөрчлөлт оруулах тэр тусмаа Усны хуулинд өөрчлөлт оруулах чиглэлээр нилээн ахиц гаргасан. Харамсалтай нь 2012 онд бие даасан агентлагийг нь татан буулгачихсан , статусыг нь бууруулсан үүнтэй холбоотойгоор олон сөрөг үр дагаврууд гарч байгаа. Тиймээс энэ агентлагийг нь сэргээн байгуулах гэж байгаа энэ хуулийн төсөл зөв гэж үзэж байна.

Засгийн газраас онцгой анхаарал хандуулах зүйл бол гол мөрний эхийг хамгаалах ойн сан газруудыг хамгаалах энэ  дээр хэрэгжилтийг сайн хангасан бол өнөөдрийнх шиг түр зуурын арга хэмжээнүүд авах шаардлага байхгүй зохицуулагдахаар байсан. Өнөөдөр сав газрын захиргаадын бодит үйл ажиллагаа хэр байна вэ? Миний мэдэхээр Хэрлэн голын сав газрын захиргаа маш сайн ажиллаж байгаа.