УИХ-ын чуулганы өнөөдрийн нэгдсэн хуралдаанаар “Ардчилсан хувьсгалын 30 жилийн ойн медаль бий болгох тухай” тогтоолыг баталлаа. Тус хуулийн төслийг  Улсын Их Хурлын гишүүн С.Эрдэнэ санаачлан, өргөн мэдүүлсэн юм. 

Хуулийн төслийн танилцуулгийг УИХ-ын гишүүн Н.Цэрэнбат танилцууллаа.

Хэлэлцэж буй асуудалтай холбогдуулан УИХ-ын гишүүн М.Билэгт асуулт асууж тодруулсны дараа санал хураав. Ингээд хуралдаанд оролцсон гишүүдийн олонх “Ардчилсан хувьсгалын 30 жилийн ойн медаль бий болгох тухай” тогтоол батлахыг дэмжив.