Мөнх-Оргил.Ц 2020.01.10 | Vip76.mn

Ахмадууд зээлээ нэг удаа тэглүүлэхээс илүү тэтгэврийн доод хэмжээг нэмэгдүүлэх, тэгш, шударга тогтоолгох хүсэлтэй байна

Ахмадууд зээлээ нэг удаа тэглүүлэхээс илүү тэтгэврийн доод хэмжээг нэмэгдүүлэх, тэгш, шударга тогтоолгох хүсэлтэй байна

Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг УИХ-ын чуулганаар хэлэлцэн баталлаа. Хуулийн төсөлтэй холбоотой олон санал, санаачилгууд гарч байсан бөгөөд УИХ-ын гишүүдтэй тойргийн иргэд сонгогчид, ахмадууд ихээр ирж уулзаж байсан. 

УИХ-ын гишүүн Ц.Мөнх-Оргилын өрөө ч хуулийн төслийн хэлэлцүүлгийн үеэр тойргийн иргэд, ахмадуудын хөлд дарагдсан өдрүүд байлаа. Тэд өөрийн сонгосон төрийн түшээгээрээ дамжуулан төрийн бодлого, үйл хэрэгт оролцох эрхээ эдэлж саналуудаа хэлсэн бөгөөд Ц.Мөнх-Оргил гишүүн ч тэдний саналыг сонсож, байнгын хороо болон, чуулганы нэгдсэн хуралдаануудад хэлж, уламжилж байлаа. 

Ахмадууд зээл тэглүүлэхээс илүүтэй тэтгэврийн доод хэмжээг нэмэгдүүлэх, тэгш, шударга тогтоолгох тал дээр анхаарч ажиллах саналуудыг түлхүү илэрхийлсэн байна. 

Ц.Мөнх-Оргил гишүүний хувьд ч хуулийн төслийг Эдийн засгийн байнгын хороогоор хэлэлцэх үед ахмадуудаа алагчлахгүй жигд хамруулах тал дээр анхаарч, үр дагаварыг тооцох хэрэгтэйг сануулсан юм. Мөн тодорхой босго тавих нь зүйтэй гэдгийг онцолсон бөгөөд энэ санал дэмжигдэж, зургаа хүртэл сая төгрөгийн зээлтэй иргэд зээлээ тэглүүлж, зургаан саяас дээш төгрөгийн зээлтэй иргэдийн зээлээс зургаан саяыг нь тэглэж, үлдсэнийг нь иргэн өөрөө төлөх зохицуулалтыг оруулж баталлаа.