УИХ-ын гишүүн С.Одонтуяа хувийн эмнэлгүүдийг дэмжиж, даатгалын бодлогоо зөв болгосноор улсын эмнэлгийн ачааллыг бууруулах боломжтой гэдгийг хэллээ.

Мөн өнөөдрийг хүртэл хувийн эмнэлэгт хармын сэтгэлээр хандсанаас болоод хувийн эмнэлгүүд үүдээ барьж, улсын эмнэлэг ч өөдөлсөнгүй гэдгийг хэлж байв. Өөрөөр хэлбэл Эрүүл мэндийн даатгалын санг төрийн болон хувийн гэж ялгалгүй ижил тэгш хандсанаар эрүүл мэндийн салбарт нэг шат ахих боломжтой гэсэн юм.

УИХ-ын гишүүн С.Одонтуяа “Эрүүл мэндийн салбарыг үндсээр нь өөрчлөхийн тулд шийдвэр гаргаж байгаа хүмүүсийн сэтгэхүйг өөрчлөх хэрэгтэй байна. Нөгөө талдаа хувийн эмнэлэгт битгий мөнгө өг гэсэн харамч сэтгэлгээ нөлөөлж байна. Харамладаг сэтгэлгээнээсээ салахгүй бол болохгүй. Хавдраар маш олон мянган хүн нас барж байна. Энэ хүмүүст хатуу журмаа хасаад даатгалаас тусламж үзүүлэх хэрэгтэй. Ийм хүмүүст туслах гэж Эрүүл мэндийн даатгалын тухай хуулийг гурван жил ажиллаж, үг үсэг бүр дээр ажиллаж байж баталсан.

Жишээлбэл, улсын болон хувийн эмнэлэг ижил тарифаар санхүүжнэ гэсэн нь 5-6 зорилготой.

Хувийн эмнэлгүүдийг дэмжихгүйгээр улсын эмнэлгийн ачаалал буурахгүй байна. Улсын эмнэлэг пиг оочертой, хувийн эмнэлэг хүнгүй дампуурч байна. Одоо нэмж улсын мөнгөөр эмнэлэг барих шаардлагагүй. Маш олон хувийн эмнэлэг нээгдсэн тул хяналтаа сайн тавих ёстой. Хувийн эмнэлэг ачаалал тэнцвэрждэг.
Хувийн эмнэлэг чадавхжихгүй болохоор гадагшаа 60-80 сая ам.доллар чинь урсаад байна.

БНСУ, Тайландад энэ мөнгийг өгч байхаар чадавхжсан Монголын хувийн эмнэлэгтээ өг л дөө. Хувийн эмнэлгийг түмэн журмаар ад үздэг. Монголд байгаа хувийн эмнэлгүүдийн 90 хувь нь үүдэн эмнэлэг. Инээдтэй шдэ, энэ олон жил хувийн эмнэлгийг яагаад дэмжиж болоогүй юм та нар. Хувийн эмнэлгүүдэд даатгалын мөнгийг хуваарилснаар үнэ тогтворжино. Эмч нар нь үдээс өмнө улсын, үдээс хойш хувийн эмнэлэгт гэж ажиллаж байна. Үнэ тогтворжчих юм бол ийм шаардлагагүй болно” гэсэн юм.

С.Одонтуяа: Хувийн эмнэлгээ дэмжихгүй бол улсын эмнэлгийн ачаалал буурахгүй