Даваасүрэн.Ц 2020.11.19 | Vip76.mn

Ц.Даваасүрэн: Өдрийн орлогоороо амьдарч байгаа иргэддээ онцгой анхаарах хэрэгтэй

УИХ-ын чуулганы өнөөдрийн \2020.11.19\ нэгдсэн хуралдаанаар "Коронавируст халдвар /КОВИД-19/-ын цар тахлаас урьдчилан сэргийлэх, тэмцэх чиглэлээр Монгол Улсын Засгийн газраас авч хэрэгжүүлж байгаа ажлын явц, үр дүн, цаашид авч хэрэгжүүлэх арга хэмжээний талаар" мэдээллийг сонсож байна.

Мэдээлэлтэй холбогдуулан УИХ-ын гишүүд асуулт асууж байна. 
УИХ-ын гишүүн Ц.Даваасүрэн асуулт асуулаа:

Өдрийн орлогоороо амьдарч байгаа иргэддээ Засгийн газар онцгой анхаарах хэрэгтэй байна. Ялангуяа орлого бий болгох, бизнесийн үйл ажиллагаанд анхаарах хэрэгтэй. Яаж ард иргэдээ орлоготой болгох вэ гэдгийг анхаарах хэрэгтэй.

Энхсаран гэдэг сувиллаас ковид-19-ийг алдсан гээд байгаа. Энэ сувилал байраа гаргасан байх. Дэглэм сахиулагч нь төрийн үүрэг байдаг. Үүн дээр ямар хариуцлага тооцсон бэ? Айдсаар дарж хааж болохгүй.

Хөдөө орон нутгаас Улаанбаатарт ирээд гацсан иргэд орох орон гэргүй, унаа тэрэггүй хэцүү байна. Дэглэмээ шинжлэх ухааны үндэслэлийн чиглэлтэй болгох хэрэгтэй. ДЭМБ-ийн даргын нэр бариад ярьж сууж болохгүй. Иргэдийн амьжиргааг зогсоож болохгүй. 

Төрийн үйл ажиллагааг тасралтгүй явуулах ёстой. Төр гэдэг бол их хурал гэж ойлгож байна. Алсын зайнаас бие биенээ хараад сууж болохгүй.

Түүний асуултанд Шадар сайд Я.Содбаатар хариуллаа.

Хоёр голомтлон гарсан Ковид-19 вирус тохиолдол дээр холбогдох байгууллагууд хуулийн дагуу хяналт, шалгалт хийж байна. Улаанбаатар хотод гарсан иргэн Д, Энхсаран сувилалтай холбоотой ХЗДХ сайдад чиглэл өгч, энэ үүссэн нөхцөл байдлын талаар хяналт, шалгалт явуулах үүрэг өгсөн. Энэ асуудал тодорхой болно.

Сэлэнгэ болон Төмөр замын асуудалд эдийн засгаа давхар авч явахын тулд эдийн засгийн идэвхжилтийг бууруулахгүй байхад анхаарч байна. Корона-19 вирус нь Төмөр замын металл хавтангууд дээр 72 цаг тогтож байдаг. Тиймээс өдөр бүр хил дээр орж ирж байгаа вагон, лацаа үзсэн агентууд байдаг. Өдөр бүр тэр хүмүүс халдвар хамгааллын нарийн дэглэмийн доор энэ арван сарын хугацаанд ажилласан. Гэвч энд халдвар хамгааллын дэглэм алдагдсан. Магадгүй металлаар нь халдвар тархсан байж болзошгүй байна.  Тэр гол талбар дээр ажилласан хүмүүс нь бүгд өвчилсөн байгаа юм.