Коронавируст цар тахлын нөлөөллийн улмаас ажлын байр нь түр хаагдсан, орлогогүй болсон айл өрхүүдэд тусламж үзүүлэх зорилгоор “Дэм дэмэндээ-2” аян нийслэлийн хэмжээнд үргэлжилж байна.

Энэхүү аяны эхлэл болж АПУ ХК 500 багц хүнсний тусламжийг үзүүлж Сонгинохайрхан дүүргийн Засаг даргад хүлээлгэн өгсөн. Хүнс, ахуйн хэрэглээний тусламжийн багцыг дүүргийнхээ 43 хорооны 500 өрхөд хүлээлгэн өглөө.

Сонгинохайрхан дүүргийн Онцгой комиссоос өнгөрсөн хугацаанд зорилтот бүлгийн 15230 өрхөд хүнсний тусламж үзүүлсэн юм. Цаашид энэ аян үргэлжилж нэн шаардлагатай өрхүүддээ хүнсний тусламжийг хүргэнэ.

“Дэм дэмэндээ-2” аянг дэмжин Сонгинохайрхан дүүргийн иргэдэд хүнсний тусламж өгсөн АПУ ХК-ийн нийт хамт олонд тус дүүргийн хамт олноос талархал илэрхийлжээ.

Сэтгүүлч

Сэтгүүлч Ц.Соёлмаа soyolmaa@vip76.mn