Нийслэлийн Засаг даргын Тамгын газраас эхлүүлсэн “Дэм дэмэндээ 2” аяны хүрээнд Е-mart худалдааны төвийн хамт олон Сонгинохайрхан дүүргийн 300 өрхөд хүнсний багцын тусламж үзүүлэхээр боллоо.

СХД-ийн засаг дарга Н.Алтаншагай тусламжийн хүнсний багц, хамгаалалтын хэрэгслийг “Е-mart” худалдааны төвийн маркетингийн менежер Т.Ням-Осороос хүлээн авлаа.

Сонгинохайрхан дүүргийн Онцгой комиссоос өнгөрсөн хугацаанд зорилтот бүлгийн 17500 өрхөд хүнсний тусламж үзүүлсэн. Цаашид энэ аян үргэлжилж нэн шаардлагатай өрхүүддээ хүнсний тусламжийг хүргэх болно.

Сонгинохайрхан дүүргийн удирдлагууд “Дэм дэмэндээ-2” аянг дэмжин иргэдэд хүнсний тусламж өгсөн “E MART” худалдааны төвийн хамт олонд талархаж буйгаа илэрхийлсэн юм.

СХД-ийн 300 өрхөд хүнсний багц тусламж үзүүлэхээр боллоо