УИХ-ын чуулганы өнөөдрийн \2021.04.09\ нэгдсэн хуралдаан боллоо. Хуралдаанаар Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилтийн талаарх Засгийн газрын мэдээлэл сонсслоо.

Мэдээлэлтэй холбогдуулан УИХ-ын гишүүд асуулт асууж санал хэллээ. 

УИХ-ын гишүүн Н.Ганибал:

"АН-ын бүлгийн зүгээс тодорхой асудлууд тавиад байгаа. Өнгөрсөн 2019 онд У.Хүрэлсүхийн засгийн газар 5,1 их наядын хөтөлбөр хэрэгжүүлж, 3 том асуудал тавьсан. Ковид дотроо алдахгүй гэсэн ч алдсан. Эдийн засгаа хамгаална гэсэн. Гэтэл оны эцэст нь 5,3 хувиар буурсан. Ажлын байрыг хамгаална гэсэн. Гэтэл 400 мянган ажлын байраа алдсан. Одоо 10 их наядын хөтөлбөр гээд л яг адилхан зүйл яриад сууж байна. Тэгвэл хэн хариуцлага хүлээх юм бэ? Өмнө нь амалсан нь хэрэгжиж чадаагүй.

Ийм сүржин нэртэй хөтөлбөр яриад байхаар асуудлаа тодорхой яримаар байна. Хариуцах эзэнгүй, үр дүнд хүрдэггүй зүйлийг л яриад сууж байна.

300 мянган төгрөг иргэдэд өгсөнөө МАН-ынхан их бахархан ярьж байна. Н.Алтанхуяг гишүүний хэлж байгаагаар энэ бүхэн зээл гэдгийг ойлгох хэрэгтэй. Оюутолгой компанийн зээлийн бичилтэд Монгол Улс 850 орчим төгрөг бичигдээд явж байна. Арбитрын шийдвэр хэзээ гарахын, тэр хүртэл бид өртэй гэдгийг ойлгох хэрэгтэй." 

Түүний асуултанд Сангийн сайд Б.Жавхлан хариуллаа.

Сэтгүүлч

Редактор Ц.Соёлмаа soko@vip76.mn