СХД-ийн 31 дүгээр хороонд 2021 онд Нийслэлийн орон нутгийн хөгжлийн сангийн хөрөнгөөр ус түгээх байр, тохижилтын ажил хийгдэхээр төлөвлөгдөөд ажил гүйцэтгэлийн шатандаа явж байна.

Тус дүүргээс НИТХ-д сонгогдсон төлөөлөгч М.Говьсайхан нэмж 50 сая төгрөгийн санхүүжилтийг шийдвэрлүүллээ. Нэмэлт санхүүжилт авсан 50 сая төгрөгөөр хорооны гудамж талбайн өнгө үзэмжийг сайжруулах зорилгоор 31, 43 дугаар хороодын гол зам дагуух 4 байршлын 198 айл өрхийн 6530 метр хашаа 897 метр хаалгыг жигдрүүлэх ажлыг эхлүүлэхээр боллоо. Бэлтгэл ажлыг хангуулахаар НИТХ-ийн төлөөлөгч М.Говьсайхан газар дээр нь очиж ажиллан, хорооны засаг дарга Г.Бадамцэцэгтэй уулзаж, санал солилцсон байна.