Сонгинохайрхан дүүргийн “ХӨДӨЛМӨР ЭРХЛЭЛТИЙГ ДЭМЖИХ ДЭД ХӨТӨЛБӨР”-ийн хүрээнд зорилтод бүлгийн болон 40-өөс дээш насны эрэгтэйчүүдийн хөдөлмөр эрхлэлтийг нэмэгдүүлэх зорилгоор “ЭРЭГТЭЙЧҮҮДИЙН ХӨГЖЛИЙН ТӨВ"-ийг санаачлан ашиглалтад оруулахад бэлэн боллоо.

Тус төв нь өрх толгойлсон, ажилгүй, хорихоос суллагдсан, архины хамааралтай болон зорилтот бүлгийн эрэгтэйчүүдийг сургах, сэтгэлзүйн зөвлөгөө өгч, ажлын байраар ханган өрхийн орлогыг нэмэгдүүлэхэд чиглэсэн үйл ажиллагаа явуулна.

“ЭРЭГТЭЙЧҮҮДИЙН ХӨГЖЛИЙН ТӨВ”:

Сургалтын танхим
Модон эдлэл
Алт, мөнгөний дархан
Арьсан эдлэл
Гар урлал
Студи
Кофе шоп
Борлуулалт явуулах хэсгүүдээс бүрдэж байна.

Тус төв нэг жилийн хугацаанд модон эдлэл, алт мөнгөний дархан, арьсан эдлэл, гар урлал, студи зэрэг ажлын байранд 142 иргэнийг үйлдвэрлэлд сурган ажлын байртай болгох юм. Мөн борлуулалтын хэсэг долоон лангуу, 40 өлгүүр, 50 тавиур дээр 30-50 нэр төрлийн бараа бүтээгдэхүүнийг борлуулахаар ажиллаж байгаа юм.

Цаашид архины хамааралтай болон зорилтод бүлгийн иргэдэд сэтгэлзүйн зөвлөгөө өгч нөхөн сэргээж хөдөлмөрт бэлтгэхээр зорьж байна. Мөн эрчүүдийг эрүүл мэндийн үзлэг оношилгоонд хамруулах зэрэг олон ажлыг үе шаттайгаар хэрэгжүүлэн ажиллахаар төлөвлөөд байна.

СХД-т Эрэгтэйчүүдийн хөгжлийн төвийг нээхэд бэлэн боллоо