УИХ-ын гишүүн, Хүүхдийн эрхийн тухай, Хүүхэд хамгааллын тухай хуулийн хэрэгжилтийг хянан шалгах, хүүхдийн эрхийг хамгаалах үүрэг бүхий ажлын хэсгийн ахлагч Б.Баярсайхан 5 сарын 31-ны өдөр Архангай аймгийн ГБХЗХГ-т ажиллалаа.

Энэ үеэр аймгийн ГБХЗХГ-ын дарга Б.Болормаа хүүхэд хамгааллын үйлчилгээ, сургалт, төрийн байгууллагуудын уялдаа холбоо, хамтын ажиллагаа, цахим үйлчилгээ, статистик мэдээллийн чанар, үр дүнгийн талаар танилцуулав. Түүнчлэн цаашид хэрэгжүүлэх үйл ажиллагааныхаа талаар ажлын хэсгийхэнд мэдээлэл хийлээ.

Аймгийн ЗДТГ-ын дарга Ц.Бадрах Засаг даргын үйл ажиллагааны хөтөлбөрт тусгагдсан хүүхдэд чиглэсэн бодлого, төсөл хөтөлбөрийн талаар мөн мэдээлэв.

УИХ-ын гишүүн Б.Баярсайхан уулзалтыг дүгнэж бүх эрх ашгаас дээр хүүхдийн эрх ашиг байж, хэн ч бай аливаа шийдвэр гаргахдаа хүүхдийн дээд эрх ашигт нийцүүлэх, язгуур эрхийг нь дээдлэх хэрэгтэй. Хөдөлмөрийн тухай хуулийн 43:3 дахь зүйл заалтыг биелүүлж байгууллага ААН, ажил олгогч бүхэн хүүхэд хамгааллын бодлоготой байхыг сануулж байлаа.

Сэтгүүлч

Сэтгүүлч Ц.Соёлмаа soyolmaa@vip76.mn