"Миний мөрөөдөл" гар зургийн уралдааны шилдгүүд тодорлоо
2022.06.01

"Миний мөрөөдөл" гар зургийн уралдааны шилдгүүд тодорлоо

УИХ-ын гишүүн Д.Батлут Олон улсын хүүхдийн эрхийг хамгаалах өдрөөр түүний ажлын хэсгээс зохион байгуулсан "Миний мөрөөдөл" гар зургийн уралдааны шилдгүүдэд шагнал гардууллаа.

 Уралдаанд 5-6 насны ангилалд 39, 7-8 насны ангилалд 40, 9-10 насны ангилалд 66 бүтээл иржээ. Уралдаанд ирүүлсэн хүүхдүүдийн бүтээлээр үзэсгэлэн гаргасан байна.

 

Мөн энэ өдөр “Парламентын боловсрол” илтгэх ур чадвар, мэтгэлцээний аварга шалгаруулах тэмцээнд амжилттай оролцож шилдэг 8 багт шалгарсан багш, сурагчдад УИХ-ын дарга Г.Занданшатарын талархлыг гардууллаа.

Улсын Их Хурлын Тамгын газар, Швейцарын хөгжлийн агентлагийн “Монгол Улсад парламентын ардчиллыг бэхжүүлэх нь” дэд төсөл, Монголын Карл Попперын Мэтгэлцээний нийгэмлэг хамтран “Парламентын боловсрол” илтгэх ур чадвар, мэтгэлцээний аварга шалгаруулах тэмцээнийг 2022 оны тавдугаар сарын 28-наас 30-ны өдрүүдэд зохион байгуулсан билээ.