1961 оны 5-р сарын 24-ны өдрийн Сайд нарын зөвлөлийн тогтоол гарч, Дархан хотыг бүтээн босгох шийдвэрт хүрч байсан түүхтэй.

Энэхүү түүхт чухал шийдвэрийг гарган хэрэгжүүлсэн, Дархан хотын хүндэт иргэн Юмжаагийн Цэдэнбалын нэрэмжит гудамжны тохижилтын нээлтийн арга хэмжээ өнөөдөр Дархан- Уул аймагт болж байна /2022.10.07/

Тухайн үеийн социалист 6 улс орон нэгдэж, Монгол орны өнцөг булан бүрээс залуус хүрэлцэн ирж хамтдаа бүтээн босгосон Найрамдлын хот маань өнөөдөр 100 гаруй мянган хүн амтай, Монгол орны хоёр дахь том хот, аж үйлдвэр, хөдөө аж ахуйн том төв болон хөгжиж байна.

Дархан захын урд үзүүрээс Төмөр замын 8-р байр хүртэл үргэлжлэх Ю. Цэдэнбалын нэрэмжит гудамжийг Дархан хот дахь Увс аймгийн нутгийн зөвлөлөөс бүрэн хэмжээний тохижилт хийх санаачилга гаргаж ажиллаж байгаад нь талархал илэрхийлье.

Иргэдийн оролцоо, төр, хувийн хэвшлийн хамтын ажиллагааны нийгэм, нийтийнхээ төлөөх санал, санаачилгыг бүгдийг дэмжиж ажиллах болно.

Дархан хотын хүндэт иргэн Ю.Цэдэнбалын нэрэмжит гудамж нээгдлээ