Монгол улсын гадаад бодлого, дипломат ёсны талаарх сургалт боллоо
2022.11.03

Монгол улсын гадаад бодлого, дипломат ёсны талаарх сургалт боллоо

“Иргэдийн соёлын боловсролыг дээшлүүлэх” төслийн хүрээнд Сонгинохайрхан дүүргийн холбогдох удирдлагууд болон албан хаагчид “Монгол Улсын гадаад бодлогын үзэл баримтлал ба нэг цонхны бодлого” сэдэвт сургалтад хамрагдлаа.

Тус сургалтыг Гадаад харилцааны яам, Нийслэлийн Засаг даргын Тамгын газар, Сонгинохайрхан дүүргийн Засаг даргын тамгын газраас хамтран зохион байгуулсан юм.

Өнөөдрийн сургалтад Онц бөгөөд бүрэн эрхт Элчин сайд Х.Бэхбат, Л.Удвал, Г.Жаргалсайхан болон Улаанбаатар хотын нийтийн төв номын сангийн захирал Д.Индра нар хүрэлцэн ирж Монгол улсын Гадаад бодлогын үзэл баримтлал, Төрийн нэг цонхны гадаад бодлого ба нэгдмэл байдал, Төрийн дипломат ёслолын практик асуудлууд, Харилцааны соёл дипломат ёс сэдвийн хүрээнд илтгэл тавьж, сургалтад хамрагдсан албан хаагчдын сонирхсон асуултад хариулт өглөө.