Сонгинохайрхан дүүргээс сонгогдсон УИХ-ын гишүүд болон НИТХ-ын төлөөлөгчид, дүүргийн удирдлагууд хамтдаа иргэдтэй хийж байгаа уулзалтууд долоо дахь өдрөө үргэлжилж байна.

Гуравдугаар сарын 10-ны өдөр УИХ-ын гишүүн, ХЗДХ-ийн сайд Х.Нямбаатар, УИХ-ын гишүүн П.Анужин нарын хамт 7, 8, 9, 10, 40-р хорооны иргэдтэй уулзлаа.

Уулзалтын үеэр:

УИХ-ын гишүүд төр засгийн бодлого шийдвэр, ялангуяа манай улсын нийгэм эдийн засагт томоохон эерэг нөлөө үзүүлэх Шинэ сэргэлтийн бодлогын талаар иргэдэд танилцуулж, мэдээлэл өгч байна.
Миний бие УИХ-ын Инновац, цахим бодлогын байнгын хорооны даргын хувьд Монгол Улсын цахим шилжилт, тэр дундаа төрийн үйлчилгээний цахим шийдлүүд, мэдээллийн технологийн салбарын хөгжил, залуучуудын боловсрол, ур чадварыг сайжруулахад чиглэсэн ажлуудын талаар иргэдэд танилцуулж байна. Мөн Хөгжлийн банкны асуудлаар хянан шалгах УИХ-ын Түр хорооны гишүүнээр ажиллаж байгаа тул цаг үеийн шинэ мэдээллүүдийг уулзалт болгон дээр иргэдэд өгч байгаа юм.
НИТХ-ын төлөөлөгчид болон дүүргийн удирдлагууд Сонгинохайрхан дүүрэгт хийгдэж байгаа бүтээн байгуулалт болон бусад асуудлаар дэлгэрэнгүй мэдээлэл өгч, иргэдийн санал хүсэлт, өргөдлийг бүртгэн холбогдох байгууллагуудад шууд уламжлан ажиллаж байна.
Иргэдийн зүгээс бодлогын түвшинд хэрэгжүүлж болох олон саналуудыг гаргалаа. Тэдгээр саналуудыг ажил хэрэг болгоход бүх талаас нь судалж, анхаарч ажиллах болно.

СХД-ийн 7,8,9,40-р хорооны иргэдийг хүлээн авч уулзлаа