Соёлын салбарын шинэ сэргэлтийн бодлогын хүрээнд Соёлын яам, Төв аймгийн Соёл, урлагийн газар, Чингис хаан үндэсний музейтэй хамтран зохион байгуулсан "Соёлын төв-Соён гэгээрлийн төв" мэргэжил арга зүйн сургалт, зөвлөгөөнд оролцож буй 27 сумын соёлын төвийн ажилтан, албан хаагчидтай уулзлаа.

Өнгөрсөн 1, 2 дугаар сард тойрогтоо ажиллах үеэр сумдын иргэд, албан хаагчдаас гаргасан саналыг УИХ, ЗГ-ын хуралдаанд танилцуулан, холбогдох арга хэмжээ авч ажиллаж байна.

Үүний нэг нь соёлын салбарын ажилтан, албан хаагчдын нийгмийн баталгааг сайжруулах, соёлын байгууллагын санхүүжилтийн тогтолцоог боловсронгуй болгох асуудал юм. Энэ чиглэлээр холбогдох яамдад тооцоо, судалгаа гаргуулж УИХ, ЗГ-ын түвшинд анхаарч ажиллаж байгааг танилцууллаа.

Зөвлөгөөн цаг үеэ олсон, үр дүнтэй ажил болж байгааг онцлон тэмдэглээд соёлын салбарыг бүтээлчээр хөгжүүлэхэд голлох үүрэг гүйцэтгэж буй салбарын ажилтан, албан хаагчдадаа талархал илэрхийлж, Төв сайхан нутгийнхаа 100 жилийн ойг амжилт бүтээлээр дүүрэн өнгөрүүлэхийг хүслээ.