“Чингис хаан” одонт, академич Д.Доржготовд хоёр өрөө байрны түлхүүрийг нь өнөөдөр хүлээлгэн өглөө.

Монгол орны анхны хөрсний зургийг зохион хэвлүүлж, сансрын гэрэл зурагт тулгуурласан хөрсний зураг зохиож, Монгол орны газар нутаг, хөрс, хөрсөн бүрхэвчийн талаар 50 гаруй суурь судалгаа хийсэн нэрт эрдэмтэн Д.Доржготовд 2022 онд "Чингис хаан" тэргүүн зэргийн одон хүртээсэн.

Боловсрол, шинжлэх ухааны яам, Нийслэлийн Засаг даргын Тамгын газар хамтран "Чингис хаан" одонг хоёр өрөө байраар мялаахаа илэрхийлж, 2022 оны 11 дүгээр сарын 24-нд батламж гардуулж байсан юм. Тэгвэл өнөөдөр байрны түлхүүрийг хүлээлгэн өглөө.

“Чингис хаан” одонт, академич Д.Доржготов өдгөө 84 насны босго давсан ч хөрс судлалын шинжлэх ухаанд түүний хүчин зүтгэл чухал хэвээр болохыг БШУ-ы сайд Л.Энх-Амгалан онцолж байлаа.