Сонгинохайрхан дүүргийн удирдах ажилтнууд өнөөдөр ээлжит хурлаа хийлээ.

Хурлыг дүүргийн Засаг дарга Н.Алтаншагай болон Засаг даргын орлогч Д.Ундармаа нар ахалж, удирдах ажилтнуудтай цаг үеийн мэдээлэл солилцон, өнгөрсөн долоо хоногийн шуурхай зөвлөгөөний үүрэг даалгаврын биелэлттэй танилцлаа.

Харин өнөөдрийн зөвлөгөөнөөр дүүргийн Засаг дарга Н.Алтаншагай дараах үүрэг даалгаврыг өглөө.

• Нийслэлийн Засаг даргын 2023 оны “Замын хөдөлгөөний түгжрэл, ачааллыг бууруулах талаар авах зарим арга хэмжээний тухай” А/940 дүгээр захирамжийн хэрэгжилтийг сайтар хангаж, олон нийтэд мэдээлж ажиллах.
• “Сургуулийн автобус”-ны аюулгүй ажиллагаа, техникийн бүрэн бүтэн байдалд хяналт тавих, бэлтгэл ажлыг сайтар хангаж ажиллах.
• Сургууль, цэцэрлэгийн барилга угсралт, цахилгаан, дулаан, инженерийн шугам, сүлжээний засварын ажлуудыг эрчимжүүлж, дуусгах, ажлын чанар гүйцэтгэлийг газар дээр явж шалгах ажлыг зохион байгуулах.
• Шинэ ургацын хүнсний ногоогоор хангах үзэсгэлэн худалдааны байршлуудаа нэмэгдүүлж, орчны аюулгүй байдал, замын хөдөлгөөний зохицуулалтыг сайтар хангаж, хяналт тавьж ажиллах.
• Өвөлжилтийн бэлтгэл ажлыг бүх шатанд эрчимжүүлж ажиллах зэргийг үүрэг болголоо.