Улсын физикийн 35 дугаар олимпиад 2024 оны 5 дугаар сарын 8-11-ний өдрүүдэд Хөвсгөл аймгийн Мөрөн хотод зохион байгуулагдаж, өнөөдөр дүнгээ гаргалаа.

Олимпиадын Суурь боловсролын төрөлд 48 сурагч оролцож, онолын бодлогыг 3 цаг, туршилтын даалгаврыг 4 цагийн хугацаанд хийж гүйцэтгэлээ. Олимпиадын Бүрэн дунд боловсролын төрөлд мөн 48 сурагч оролцож, онолын бодлогыг 4 цаг, туршилтын даалгаврыг 4 цагийн хугацаанд хийж гүйцэтгэлээ.

Харин багш нарын төрөлд 45 багш оролцож, онолын бодлогыг 4.5 цаг, туршилтын даалгаврыг 3 цагийн хугацаанд тус тус хийж гүйцэтгэлээ.
Мөн одон орны олимпиад амжилттай явагдлаа.

Улсын физикийн олимпиадыг зохион байгуулахад олимпиадын хорооны 33 гишүүн ажиллав. 8 туршилтыг МУИС-ийн хиймэл дагуул хөгжүүлэлтийн лаборатори, ШУТИС-ийн Хэрэглээний ШУС -д зохион бүтээжээ. Олимпиадад цахим технологийг хэрэглэж, оролцогчдод мэдээллийг тухай бүр түргэн шуурхай хүргэлээ.

Олимпиадын хугацаанд харилцан суралцах, туршлага солилцох, багш шавийн уулзалт, Шинжлэх ухааны сүүлийн үеийн мэдээ мэдээлэл олж авах гэх мэт олон талт ажлуудаас гадна орон нутгийн музей үзэх, урлагийн тоглолт, спортын тэмцээн, аялал, “Хөгжлийг бүтээгч-Хөвсгөл 2024” багийн бүтээлийн уралдааныг зохион байгуулжээ. Олимпиадад орчин үед түлхүү ашиглагдаж байгаа MSAT үнэлгээний системийн зарим элементийг хэрэглэсэн байна.

Сэтгүүлч

Сэтгүүлч Б.Хонгорсайхан