Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төслийн хэлэлцэж байна.

Хэлэлцэж буй асуудалтай холбогдуулан УИХ-ын гишүүн М.Нарантуяа-Нара эрүүл мэндийн сайдаас асуулт асуулаа.

УИХ-ын гишүүн, Эрүүл мэндийн сайд Т.Мөнхсайхан:

Одоо гадуур томуу ТТӨ-ий дэгдэлт одоо үнэхээр их байна аа. Энэ дээр бид нар сэргийлэх арга хэмжээнүүдийг маш эрчимтэй авч хийсэн. Энэ жил бид нар өмнөх жилүүдэд байгаагүйгээр томуугаас урьдчилан сэргийлэх вакцинжуулалтуудыг эрт хугацаанд хийж хэрэгжүүлсний хүч нь бас өнөөдөр өдий зэрэгтэй байна. Ард иргэдийн хариуцлага эрүүл мэндийн боловсрол их тааруу байна. Одоо өнөөдөр бид нар томууг туссаных нь дараа эмчилдэг эмнэлгийн асуудал ярих биш томуугаа тусгахгүй байхын тулд халдвар хамгааллын дэглэм маскаа яаж зүүх вэ агаар сэлгэлтээ яаж хийх вэ гэдэг энэ бодлого дээрээ бид нар түлхүү анхаарсан.

Тийм ч учраас өнөөдөр бас ор хүрэхгүй хэмжээндээ бас өнөөдөр хэвтэж чадахгүй хэмжээндээ оччихоогүй байна аа. Өнөөдрийн байдлаар Улаанбаатарын хэмжээнд 1300 орыг томууд бэлтгэсэн яг өнөөдрийн байдлаар хэвтэн эмчлүүлж байгаа 1250 хүүхэд бий.. Цаашдаа ч энэ байдал нэмэгдэж хүндрэх эрсдэл байна. Энэнтэй холбоотой бүх талын бодлого арга хэмжээг авч ажиллаж байна. Үүний нэг нь таны хэлээд байгаа саяын тэр ЭХЭМҮТ-ийн удирдлагыг сольсон гэдэг асуудал.

ЭХЭМҮТ бол үндэсний хэмжээнд хүүхдийн эмч, хүүхдийн сувилагч, хүүхдийн мэс заслын эмч нарыг хэрхэн яаж бэлдэх вэ гэдэг бодлого тодорхойлох ёстой. Цаашдаа бид нар нөхцөл байдал хүндрэхээс сэргийлэх дорвитой арга хэмжээ авах бодлогын ажлуудыг хийнэ. ТХӨСҮТ энэ томуугийн халдварт өвчний дэгдэлтийн үед маш чухал үүрэг оролцоотой ажиллах ёстой байгууллага. Эмчилгээ эрхэлсэн орлогч дарга нь Ерөнхий захирлынхаа ажлыг хавсран гүйцэтгэж байсан. Тийм учраас эмчилгээ эрхэлсэн орлогчийг нь ажлыг нь хийлгэж ерөнхий захирлаар нь түр орлон гүйцэтгэгчийг тавьсан .

Т.Мөнхсайхан: Цаашдаа томуугийн эрсдэл нэмэгдэх хандлагатай байна