УИХ-ын чуулганы /2025.01.09/-ний өдрийн  үдээс өмнөх хуралдаанаар УИХ-ын гишүүн асан Н.Оюундарийг Польш улсад суух Онц бөгөөд бүрэн эрхт Элчин сайдаар томилох асуудлыг хэлэлцлээ. Хуралдааны төгсгөлд Н.Оюундарийг Элчин сайдаар томилохыг дэмжье гэсэн саналын томъёоллоор санал хураахад, саналт хураалтад оролцсон 93 гишүүний 63 нь буюу 67.7 хувийн саналаар дэмжлээ.

УИХ-ын гишүүн С.Эрдэнэболд:

Манай төвийн бүс бас Сэлэнгэ аймгаас Монгол УИХ-д сонгогдож байсан иргэд олон нийтийнхээ итгэл дэмжлэгийг хүлээж байсан туршлагатай улс төрч. Мөн бас гадаад харилцааны салбарт өөрийн гэсэн түүхийг бүтээж яваа ийм хүн . Насан-Очирын Наваан-Ёндон гэж Монголын төрийн түүхэнд бас том үүрэг гүйцэтгэсэн хүн. Энэ хүнээр овоглодгийн хувьд бас улс төрчийнхөө хувьд гэхээсээ гадна Монгол төрийн алтан аргамжийг олон улстай холбох ийм чухал хариуцлагатай албанд томилогдож байгаад нь амжилт хүсэж байна. Хэд хэдэн гишүүд гадаад харилцааг эдийн засагжуулах талаар асууж байна. Монгол Улс эдийн засгийн олон тулгуурт бодлогыг хэрэгжүүлэх, шинэ томоохон төсөл хөтөлбөрүүдийг хэрэгжүүлэх талаар байнгын хорооны хурал дээр танилцуулга хийхдээ хэлж байсан.

Монгол Улс, Польш улс 2-ын хоорондын худалдааны эргэлтийн тоон үзүүлэлтийн талаар өөрөө бас дурдаж байсан. Элчин сайдаар одоо томилогдож ажиллах хугацаандаа энэ тоон үзүүлэлтийг цаашлаад яаж ахиулах боломжтой байна вэ? Бас энэ өнөөдөр таны томилгоог иргэд олон нийт, Польш улсад аж ажиллаж амьдардаг мөн Польш Монголын хооронд бизнес эрхлэгчид бизнес хийдэг хүмүүс бас харж байгаа. Хэрвээ танд боломжтой бол одоогийн байгаа худалдааны эргэлтийн тоо хэчнээн хувиар нэмэгдэх боломжтой вэ? Судалгааны тоог та хэлж өгөөч?

Сэтгүүлч

Сэтгүүлч Ц.Соёлмаа soyolmaa@vip76.mn