УИХ-ын өнөөдрийн /2021.12.02/ нэгдсэн хуралдаан болж байна. Хуралдаанаар Чөлөөт бүсийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ. Хуулийн төсөлтэй холбогдуулан УИХ-ын гишүүд асуулт асууж, санал хэллээ. УИХ-ын гишүүн Б.Бат-Эрдэнэ: Монгол орны хилийн дархан байдал баталгаатай байна уу? Жишээлбэл, Эрээн Замын-Үүдийн хилийн шугамыг нааш татчихлаа, Дорнодын Халхголд Хятадууд мал маллаж, газар тариалан эрхэлж байна гэх мэдээлэл гардаг. Ийм асуудалд холбогдох албан тушаалтнууд нь тухай бүрт хариу өгдөг баймаар байна. Хуучин тогтолцооны үед ахмадууд маань хоёр хөршийн хооронд хилийн болон газар нутгийн ямар нэгэн маргаангүй байхаар эцэслэн шийдвэрлэсэн байдаг. Түүний асуултад Ажлын хэсгийн ахлагч, УИХ-ын гишүүн Б.Баттөмөр хариуллаа.
УИХ-ын өнөөдрийн /2021.12.02/ нэгдсэн хуралдаан болж байна. Хуралдаанаар Чөлөөт бүсийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ. Хуулийн төсөлтэй холбогдуулан УИХ-ын гишүүд асуулт асууж, санал хэллээ. УИХ-ын гишүүн Б.Энх-Амгалан: Замын-Үүд Эрээний эдийн засгийн чөлөөт бүсэд ямар төлөвлөлтийн дагуу ямар худалдаа үйлчилгээ явуулах юм, банк санхүүгийн систем болоод татвар хураамжийн асуудлаа хэрхэн шийдэх, орц гарцаа яаж зохицуулах вэ гэдгийг л анхаарах хэрэгтэй. Түүнчлэн эдийн засгийн үр ашигаа тооцох, худалдаа үйлдвэрлэлийн ямар асуудлыг зөвшөөрөх эсэх, бүтээгдэхүүнийг хэрхэн шингээх вэ, мөн Алтанбулаг чөлөөт бүстэй хэрхэн уялдуулах тухай яригдах ёстой. Чөлөөт бүс бол Нарантуул шиг зах биш. Эдгээр асуудлаа хэрхэхээр төлөвлөж байна вэ? Хятад болон ОХУ-ын хөрөнгө оруулалттай хэрхэн уялдаж байгаа вэ? Хэдэн удаа хэлэлцээр хийсэн бэ? Үйлдвэрлэл эрхлэх хүмүүс нь тэндээ амьдрахгүй юм уу? Энэ асуудалд тодорхой хариулт өгнө үү? Түүний асуултад Шадар сайд С.Амарсайхан хариуллаа.
УИХ-ын өнөөдрийн /2021.12.02/ нэгдсэн хуралдаан болж байна. Хуралдаанаар Чөлөөт бүсийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ. Хуулийн төсөлтэй холбогдуулан УИХ-ын гишүүд асуулт асууж, санал хэллээ. УИХ-ын гишүүн Ц.Сэргэлэн: Ажлын хэсгийнхнийг цаашид анхаараасай гэж хэдэн зүйл хэлье. Эдийн засгийн байнгын хорооны дарга Ж.Ганбаатартай санал нэг байна. Чөлөөт бүсүүдийн хууль эрх зүй болоод, зорчигч тээвэр орох гарах, бараа таваар нэвтрүүлэх асуудал шийдэгдээгүй байхад үйл ажиллагаа явагдаад байна уу гэсэн ойлголт төрж байна. Энэ бол хууль зөрчсөн асуудал. Тийм учраас Замын-Үүд Эрээний эдийн засгийн хамтын ажиллагааны чөлөөт бүсэд шалган нэвтрүүлэх иж бүрэн цогцолбор баригдахаас нааш хэзээ ч нээгдэхгүй гэдгийг мэргэжлийн хүний хувьд хэлье. Замын-Үүд Эрээний эдийн засгийн хамтын ажиллагааны чөлөөт бүсийн газар нутаг бол Монгол Улсын хилийн тухай хуулиараа хилийн зурвас газартай давхцаж байгаа. Хилийн зурвас газар гэдэг бол Монгол Улсын нутаг дэвсгэрийн зах хязгаарыг хөрш орны нутаг дэвсгэрийн зах хязгаартай нийлж байгаа хилийн шугамнаас өмнө тийш тогтоосон тодорхой хэмжээний зайтай газрыг хэлнэ. Зөвхөн улсын хил хамгаалалтын зориулалттай газар гэсэн үг. Хуулиар үүнийг өмчлүүлэхийг хориглодог бөгөөд төрийн өмчийн мэдэлд байдаг. Өмнөх хуульд чөлөөт бүсэд газар эзэмшүүлнэ гэсэн заалт байсан. Үүнийг нэмэлт өөрчлөлтөөр Хилийн тухай хуультай уялдуулж, газар эзэмшүүлэх, хориглохоор болсонд баяртай байна.
УИХ-ын өнөөдрийн /2021.12.02/ нэгдсэн хуралдаан болж байна. Хуралдаанаар Чөлөөт бүсийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ. Хуулийн төсөлтэй холбогдуулан УИХ-ын гишүүд асуулт асууж, санал хэллээ. УИХ-ын гишүүн Э.Батшугар: Эдийн засгийн чөлөөт бүсийг хөгжил дагуулах боломж гэж харж байна. Чөлөөт бүсэд яагаад банкны салбарыг байгуулахгүй байна вэ? Банкны салбарыг байгуулснаар ажлын байр нэмэгдэх, хөрөнгө оруулалт өсөх давуу талтай. Дэд бүтэц нэн тэргүүнд тавигдах ёстой учраас гүйцэтгэл ямар түвшинд явж байгаа талаар мэдээлэл өгнө үү? Ногоон хөгжлийн талаар ямар нэгэн бодлого баримталж байгаа юу? Түүний асуултад Ажлын хэсгийн төлөөлөл хариуллаа.
УИХ-ын өнөөдрийн /2021.12.02/ нэгдсэн хуралдаан болж байна. Хуралдаанаар Чөлөөт бүсийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ. Хуулийн төсөлтэй холбогдуулан УИХ-ын гишүүд асуулт асууж, санал хэллээ. УИХ-ын гишүүн Б.Дэлгэрсайхан: Хоёр улсын хэлэлцээрийг яаралтай соёрхон батлах хэрэгтэй. Үүнээс болоод Замын-Үүд чөлөөт бүс хөгжихгүй, хөдлөхгүй байна. Замын-Үүд Эрээний эдийн засгийн хамтын ажиллагааны хамтарсан бүс гэчихээд ажиллах хүчин дээрээ хүнд суртал гаргах нь зөв үү? Чөлөөт бүсийн хуульд гаднаас ажиллах хүч авах талаар хэрхэн тусгасан бэ? Түүний асуултад Шадар сайд С.Амарсайхан хариуллаа.
