Бат-Эрдэнэ.Б 2018.04.03 | Телевиз: МН25-р суваг

Ч.Сайханбилэгийн засгийн газар Оюутолгойд их хэмжээний татварын хөнгөлөлт үзүүлжээ

АТГ-аас Сангийн сайд асан С.Баярцогт, Татварын ерөнхий газрын дарга асан Б.Ариунсан, “Эрдэнэс Монгол” ХХК-ийн гүйцэтгэх захирал асан Б.Бямбасайхан нарыг “Оюутолгойн хөрөнгө оруулалтын гэрээ” болон “Дубайн” гэрээнд хууль бус шийдвэр гаргасан хэмээн үзэж шалгаж байгаа. Мөн Оюутолгой компанын 130 сая долларын татварыг нууц хуралдаанд оруулж 30 сая доллар болгож байсан баримтыг УИХ-ын гишүүн Б.Бат-Эрдэнэ батлаж байна.

УИХ-ын гишүүн Б.Бат-Эрдэнэ:  Манай улс Оюутолгойн 34 хүртэлх хувийг нь үнэ төлбөргүй эзэмших хуулийн заалттай байсан. Тухайн үеийн эрх барьж байсан нөхдүүд УИХ-ын хурлаар оруулж ирээд, өөрсдөө өндөр хүүтэй зээлж авч, хувь эзэмшихээр гэрээ хийсэн. Энэ байдлыг Ч.Сайханбилэгийн засгийн газар маш хүнд нөхцөлд оруулсан. Ч.Сайханбилэг бол сайдуудтайгаа ч зөвшилцөөгүй “Би бүгдийг хариуцна” гээд Дувайн гэрээ хууль бус гэрээ хийсэн.