Нийслэлийн Ерөнхий боловсролын 21 дүгээр сургуулийн хичээлийн шинэ байрны нээлт боллоо. Нэг ээлжиндээ 1500 сурагч хүлээн авах чадалтай шинэ байр ашиглалтад орсноор Баянзүрх дүүргийн 6, 15, 18, 25, 26 дугаар хороодын иргэдэд үзүүлэх боловсролын үйлчилгээний хүртээмж нэмэгдэж, зэргэлдээх сургуулиудын ачаалал буурч байгаа юм.

Баянзүрх дүүргийн 21 дүгээр сургуулийн хувьд барилга төлөвлөгөө ёсоор 2021 онд ашиглалтад орох байсан. Хэрвээ хугацаанаасаа өмнө ашиглалтад ороогүй бол тус сургуулийн 2800 орчим хүүхэд багачууд 21, 33, 48 дугаар сургуулиудад хуваагдан гурван ээлжээр хичээллэх байлаа. Сэтгэл, зүтгэл гаргавал болж бүтдэг гэдгийг “Батс-Өргөө” компанийн хамт олон харуулж чадлаа. Тэд найман сарын хугацаанд энэ том бүтээн байгуулалтыг хүлээлгэн өглөө.

Шинэ сургууль сурч боловсрох ая тухтай орчинг бүрдүүлсэн хичээлийн 42 танхим, орчин үеийн стандартад нийцсэн хоёр спорт заал, номын сан, гал тогоотой баригджээ.

1500 хүүхдийн суудалтай сургуулийг хугацаанаас нь өмнө ашиглалтад орууллаа