УИХ-ын 2019 оны намрын ээлжит чуулганы өнөөдрийн (2019.10.04)   нэгдсэн хуралдаанаар Монгол Улсын нэгдсэн төсвийн 2018 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2018 оны төсвийн гүйцэтгэлийг батлах тухай” Улсын Их Хурлын тогтоолын төсөл /Засгийн газар өргөн мэдүүлсэн, хоёр дахь хэлэлцүүлэг/ хийж байна.

Төсвийн зарлагын хяналтын дэд хорооны санал дүгнэлтийг дэд хорооны дарга З.Нарантуяа танилцуулав.

Асуудалтай холбогдуулан УИХ-ын гишүүд асуулт асууж хариулт авч байна.

УИХ-ын гишүүн С.Эрдэнэ

МАН Засгийн эрх барьсан хуулийн хугацаа дуусахад  8 сарын хугацаа үлдлээ. Өнгөрч байгаа хугацаанд улс орны хөгжил ард иргэдийн ажил амьдрал юу авч ирсэнийг дүгнэж цэгнэх хариуцлагатай үе, УИХ-ын сүүлчийн чуулган болж байгаагаараа онцлогтой юм.

Эрх баригчид эхнээсээ УИХ-ын индэрийг ашиглаж өөрсдийгөө магтан дуулах, олон нийтэд таалагдах тархи угаалтийг өргөн цар хүрээтэй явуулж байгаа харагдаж байна. 2018 онд нэгдсэн төсөв 27,9 тэрбум төгрөгийн ашигтай гарсан тухай өөрсдийгөө ам нэгдэн магтаж байгаа. Энэ нь цаасан дээр гарсан дүгнэлт болохоос бодит ашиг биш гэдэг нь Аудитын газрын тайлангаас харагдаж байна.

Ч.Хүрэлбаатар сайд та Сангийн сайд болохоос худлаа ярьдаг хүн биш шүү хариуцлагатай байгаарай. 853 тэрбум төгрөгний асуудал үүсчихээд байна энийгээ тайлбарлахгүй юм. 2 их наяд төгрөгний зардлыг юунд зарцуулсан бэ гэдгээ тайлбарлахгүй байна.