Ё.Баатарбилэг У.Хүрэлсүх 2020.02.19 | Засгийн газрын Хэвлэл мэдээллийн алба

ЕБС, цэцэрлэг болон их, дээд сургууль, МСҮТ-ийн хөл хориог гуравдугаар сарын 30-ний өдрийг хүртэл сунгалаа

ЕБС, цэцэрлэг болон их, дээд сургууль, МСҮТ-ийн хөл хориог гуравдугаар сарын 30-ний өдрийг хүртэл сунгалаа

Засгийн газрын ээлжит хуралдаан өнөөдөр болж байна.

БНХАУ-д гарсан шинэ коронавирусийн халдвараас урьдчилан сэргийлж Монгол Улс өндөржүүлсэн бэлэн байдалд /хэсэгчлэн/ шилжээд байгаа билээ.

Энэ хүрээнд өнгөрсөн нэгдүгээр сарын 24-ний өдрийн Засгийн газрын ээлжит хуралдаанаар сургууль, цэцэрлэгийн үйл ажиллагааг гуравдугаар сарын 2-ны өдрийг хүртэл түр хаах шийдвэрийг гаргаж, хөл хорио тогтоогоод байгаа юм.

Тэгвэл өнөөдрийн /2020.02.19/ Засгийн газрын ээлжит хуралдаанаар Ерөнхий боловсролын сургууль, цэцэрлэг болон их, дээд сургууль, МСҮТ-ийн хөл хориог гуравдугаар сарын 30-ний өдрийг хүртэл сунгах шийдвэрийг гаргалаа. 

Учир нь, өчигдөр /2020.02.18/ холбогдох сайд, албан тушаалтнууд уулзаж сургууль, цэцэрлэгийн хөл хориог дахин нэг сараар сунгах асуудлыг ярьж, шийдэлд хүрсэн аж. Улмаар Засгийн газрын хуралдаанаар оруулж, шийдвэрлүүлэхээр болжээ.