УИХ-ын чуулганы өнөөдрийн /2020.04.29/ нэгдсэн хуралдаан үргэлжилж байна. Коронавируст халдвар /COVID-19/-ын цар тахлаас урьдчилан сэргийлэх, тэмцэх тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байгаа бөгөөд УИХ-ын гишүүд АБГББХ-ны уг хуулийн төслийн анхны хэлэлцүүлгийг хийсэн дүгэдлттэй холбоотойгоор гишүүд санал хэлж, асуулт асууж байна.

УИХ-ын гишүүн Д.Оюунхорол:

“Тогтоолын төслийг дэмжиж байна. Аюулт цар тахлын тоо улам нэмэгдэж байна. Монголд Улс зөөвөрлөгдөн орж ирсэн 38 тохиолдол бүртгэгдээд байна. Эдгэрсэн 10, эмчлүүлж байгаа 28, ажиглалтад 750 хүн байна. Засгийн газар, Онцгой комисс харьцангуй шуурхай арга хэмжээ авсан учраас урьдчилсан сэргийэх арга хэмжээг авч байна. Хөл хориотой холбоотой нөхцөл байдлыг эрх зүйн хувьд зохицуулах шаардлагатай байсан нь ийнхүү хуулийн төсөл болон орж ирж байгаа нь зөв. Ямар нэг давамгай эрх ашиг байхгүй гэж итгэж байгаа.

Олон ААН үйл ажиллагаа зогссон, ажлын байргүй болсон, ядуурал руу ч гулсаж байгаа хэсэг бий. Тиймээс энэ хуулиар 2020 оны төсвийн багц дотор зохицуулалт хийх эрхийг Засгийн газарт олгоё. Ингэхдээ иргэд рүү чиглэсэн, эмзэг бүлэгт дэмжлэг үзүүлэх механизм хийх чиглэл бий. Мөн урьдчилан сэргийлэх ажилд тасралтгүй ажиллаж байгаа эмнэлэг, онцгой, цагдаагийн гэх мэт төрийн албан хаагчдыг орон сууцны түрээслээд өмчлөх ипотекийн хөнгөлөлттэй зээлд хамруулах шаардлагатай гэж үзсэн.

Нэг болгоомжлол харагдаж байна. 2020 оны төсөвт суусан хөрөнгө оруулалт, төсвийг бүхэлд нь хөдөлгөх тухай биш бүтээн байгуулалтын хөрөнгө оруулалт хэвээрээ үргэлжилнэ. Олон талаас нь ярьж 7 хэмжиж нэг огтлох замаар шуурхай, шийдвэртэй арга хэмжээ авна гэж итгэж байна.”