Барилгын салбарын ҮЭ-ийн сонгуультан, гишүүдийг “Хөдөлмөрийн гавьяаны улаан тугийн одон”, “Алтан гадас одон”-гоор тус тус шагналаа.

Монголын Барилгачдын ҮЭ-үүдийн холбооны анхан шатны нэгж болох Кранчдын үйлдвэрчний эвлэлийн хорооны дарга, кранчин Л.Амаржаргал, “Хөдөлмөрийн гавьяаны улаан тугийн одон”-гоор энгэрээ мялаалгав.

Тэрээр барилгын салбарт 39 жил ажиллахын зэрэгцээ албан бус салбарын ажилтнуудыг албажуулах хүрээнд барилгын салбарын кранчдыг нэгтгэн ҮЭ-ийн хороо байгуулан ажилтнуудын хөдөлмөрлөх эрхийг хангахын төлөө шаргуу ажиллаж ирсэн нэгэн билээ. Ийнхүү түүний хөдөлмөр зүтгэлийг Монгол Улсын төр засгаас өндрөөр үнэлж Хөдөлмөрийн гавьяаны улаан тугийн одонгоор шагнасныг МҮЭ-ийн холбооны Ерөнхийлөгч Х.Амгаланбаатар гардуулан өгч баяр хүргэлээ.
Мөн энэ үеэр Барилгын салбарт 33 жил тасралтгүй ажилласан Ган-Илч ХХК-ийн захирал Л.Гантөр, 34 жил тасралтгүй ажилласан Кранчдын ҮЭ-ийн хорооны идэвхтэн гишүүн Кранчин Д.Нарантуяа нарын “Алтангадас одон”-г тус тус гардуулан өгч амжилт хүсч байсан юм.