Засгийн газрын хэрэг эрхлэх газрын дарга Л.Оюун-Эрдэнэ Дубайн луйврыг зогсоох ёстой хэмээн дуугарсан нь сайшаалтай.

Оюутолгой 300 тэрбум $-ын зэсийн нөөцтэй тул 3 сая монгол хүн энэ дэлхий дээрх хамгийн баян үндэстэн байх боломжтой. Энэ баялгийнхаа өгөөжийг хүртэхийн тулд Монгол улс 2009 онд Рио Тинто-той Оюутолгойн гэрээг хийж, ОТ-н 34%-ийг эзэмшсэн бөгөөд 34%-ийн ашгаа 2021 оноос авч эхлэх байв.

Хэрэв бид ашгаа хүртээд эхэлбэл жил бүр 4-р дулааны цахилгаан станц шиг бүтээн байгуулалт хийх боломжтой байсан. Гэтэл Ерөнхий сайд асан Ч.Сайханбилэгийн Засгийн газар Рио Тинто-той "Дубайн гэрээ" гэгчийг хийж, уурхайн бүтээн байгуулалтын нэмэлт зардлыг зориудаар асар их нэмснээс болж Монголын талын ашиг хүртэх хугацаа 2038 он хүртэл хойшилсон байдаг.

Тэгвэл сая Монголын ЗГ, Рио Тинтогийн удирдлагатай цахим уулзалт хийж, ОТ-н гэрээний асуудлыг ярилцсан байна. Энэ хурлаас дуулдсан сайн мэдээ гэвэл, ЗГХЭГ-ын дарга Л.Оюун-Эрдэнэ Дубайн гэрээний асуудлыг хөндсөн ба Рио Тинто Дубайн гэрээг цуцлахгүй, өөр зүйлээр тохиръё гэжээ.

Гэвч Л.Оюун-Эрдэнэ цуцлах ёстой гэсэн хатуу байр суурьтай байна. Ингээд эзэн нь юмаа мэдэж эрэг нь усаа хашаад байвал монголчууд байгалийн баялгийнхаа өгөөжийг хүртэх найдвар төрж байгаа. Төр төмөр нүүртэйгээ харуулж чадвал ард түмэн танд баярлах болно.

Л.Оюун-Эрдэнэ: Дубайн луйврын гэрээг цуцлах ёстой

Л.Оюун-Эрдэнэ: Дубайн луйврын гэрээг цуцлах ёстой