УИХ-ын чуулганы өнөөдрийн \2021.01.28\ нэгдсэн хуралдаанаар Улсын Их Хурлын гишүүн Х.Булгантуяа, Ж.Сүхбаатар нар Коронавируст халдвар (КОВИД-19)-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг 2020 оны арван хоёрдугаар сарын 22-ны өдөр өргөн мэдүүлсэн бол Улсын Их Хурлын гишүүн Ц.Туваан нарын 11 гишүүн 2020 оны арван хоёрдугаар сарын 23-ны өдөр, Улсын Их Хурлын гишүүн М.Оюунчимэг нарын 4 гишүүн 2020 оны арван хоёрдугаар сарын 28-ны өдөр тус тус өргөн мэдүүлсэн хуулиудыг нэгтгэн хэлэлцэж байна. 

УИХ-ын гишүүн С.Чинзориг: 

Хуулийн 14.1.1 Барьцаалан зээлдүүлэгч, зээлийн зохицуулах хууль байхгүй. Гэхдээ энэ салбарт3 хувийн хүүгээс хэтрэхгүй гэсэн байна. Барьцаалан зээлдүүлж байгаа иргэд өөрсдийн үнэлэмжээрээ үнэт зүйлийг үнэлдэг.

Иргэдийн үнэт зүйлийг үнэгүйдүүлэх асуудал гарч магадгүй. Сөрөг болгоомжлолд анхаарах хэрэгтэй.Засгийн газар барьцаалан зээлдүүлэх асуудлыг зохицуулах хууль өргөн барьсан. Энэ хууль дээр хамт шийдвэл зүгээр.

УИХ-ын гишүүн Б.Баттөмөр:

Барьцаалан зээлдүүлэгч зээл олгохдоо 3 хувиас хэтрэхгүй алданги 0,2 хувь гэж байгаа. Хүүгийн хэмжээг бууруулснаар барьцаанд тавьж байгаа үнэт зүйлийн үнэлгээ буурахгүй. Эрсдэлгүй гэж үзэж байгаа.

Сэтгүүлч

. Ц.Соёлмаа