УИХ-ын гишүүн С.Одонтуяа Хүний эрхийн зөрчлийг таслан зогсоохын төлөө өөрийн байр сууриа илэрхийлээд зогсохгүй, үүний төлөө идэвхи, зүтгэл гаргаж ажилладаг гишүүдийн нэг.

Тэрээр энэ удаа цэргүүдийн амь нас хохирч байгаа талаар Монгол Улсын Ерөнхий сайд Л.Оюун-Эрдэнэд асуулга тавьлаа. Гуч хоногийн дотор УИХ чуулганаар хэлэлцэх тул өмнө нь Хүний эрхийн дэд хорооноос өгсөн тогтоолын хэрэгжилт, дунд, урт хугацаанд хийх ажлууд төлөвлөгдсөн,яаралтай хийгдэх ажлууд хийгдсэн байх учиртайг гишүүн онцолжээ.

Монгол Улсын Ерөнхий сайд Л.Оюун-Эрдэнэд асуулга тавьлаа.

Өнгөрсөн сарын 29-нд "Зэвсэгт хүчний 326-р анги"-д 19 настай цэрэг салаан даргадаа зодуулан амь насаа алдсан харамсалтай хэрэг гарсан. 2017 оноос хойш эр цэргийн албанд алба хаахаар яваад 12 цэрэг амь насаа алдсан гэсэн тоо баримт бий. Ийм учраас С.Одонтуяа гишүүн УИХ-ын Хүний Эрхийн Дэд хороог яаралтай хуралдуулах шаардлагыг 2021 оны 3 дугаар сарын 31 нд хүргүүлж байсан.

Түүнчлэн УИХ -ын Эмэгтэй гишүүдийн бүлгийн шаардлагаар УИХ -ын ХҮНИЙ ЭРХИЙН ДЭД ХОРОО 2021 оны 4 дүгээр сарын 6-ны өдөр Зэвсэгт хүчний жанжин штаб, БХЯ, ХХЕГ, Дотоод цэргийн командлал, ХЭҮК, ЦЕГ, Улсын ерөнхий прокурорын газрын удирдлагуудыг оролцуулан зэвсэгт хүчний цэргийн ангиудад удаа дараа цэрэг амиа алдсан асуудлаар нээлттэй хуралдаж, Зөвлөмж, чиглэл өгөх тухай Хүний эрхийн дэд хорооны тогтоолын төсөл гаргасан юм.

Хуралдааны үеэр УИХ-ын гишүүн С.Одонтуяа:

Эцэг эхчүүд Зэвсэгт хүчний анги, салбаруудад хяналт тавьдаг болохоос гадан, ТББ-ыг байгуулах ёстой. Цэргүүдийг хүчирхийллийн талаар мэдээлэх боломжийг хангаж, Сэтгэл зүйчдийг ажиллуулах, камержуулалтыг сайн шийдэх хэрэгтэй гэсэн санал хэлж байсан. Мөн дарга нар хоосон сенсаци болгож, улс төржиж асуудалд хандаж болохгүй. Хүний амь хохирдог, хүүхдүүдийг яргалдаг, тамладаг нөхцөл байдлыг гаргуулахгүйн төлөө ажилламаар байна.Холбогдох салбарт хатуу хариуцлага тооцож ажиллана. Цаашид шаардлагатай гэвэл нээлттэй сонсгол явуулж хохирогчдыг оруулая. Яагаад ийм хэрэг гарав? яагаад монгол хүн нэг нэгэндээ ингэж харгис хандсаныг сонсоё. Өнөөдөр хүүхдүүдээ эх оронч үзэлтэй, эрүүл чийрэг бие бялдартай, эрдэм боловсролтой болгон өсгөхийн төлөө аав ээжүүд амь амьдралаа зориулдаг. Гэтэл хариуцлагагүй дарга, шуналтай даргын төлөөс болж хүүхдүүдээ гарын шүүс болгохыг хүлээн зөвшөөрөхгүй. Бид дуустал нь ажиллах болно

гэдгийг онцолж байсан юм.

Тийм ч учраас Монгол Улсын Ерөнхий сайд Л.Оюун-Эрдэнэд дээрх асуулга тавиад байна.

С.Одонтуяа: Хариуцлагагүй даргаас болж, нэг ч цэрэг амь насаа алдаж болохгүй