УИХ-ын Хууль зүйн байнгын хорооны өнөөдрийн хуралдаан боллоо. Хуралдаанаар Монгол Улсын Үндсэн хуулийн цэцийн 2021 оны 04 дүгээр дүгнэлтийг хэлэлцлээ.

Дүгнэлттэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн Б.Энхбаяр:

"Би хувьдаа энэ дүгнэлтийг хүлээн зөвшөөрөх боломжгүй гэж харж байна. Итгэмжлэгдсэн төлөөлөгчөөс нэг асуулт асууя.

Тухайн шүүх дээр явж байгаа маргаантай асуудлыг хэлэлцэх гэж байгаа, үндэслэх гэж байгаа хууль Үндсэн хууль зөрчсөн байж болзошгүй гээд маргаан үүсгэсэн байхад түдгэлзүүлэх л ёстой. Тухайн хүний цаана хувь заяа нь байна. Үндсэн хууль зөрчсөн хуулийг бариад хүнийг шийтгэсэн байвал дараа нь яаж залруулах вэ? Ямар ч арга байхгүй. Хэрвээ цаазын ял байсан бол яах вэ? Шоронд орчихсон байвал яах вэ? Дараа ҮХЦ Үндсэн хууль зөрчсөн байна гээд дүгнэлт гаргачихвал ял шийтгээд толгойг нь авчихсан байвал яах вэ? Ийм сонин үндэслэлийг цэц барьсан байна.

Тухайн маргаантай асуудал өөр чиглэлээр маргаан үүсгэж байгаа бол түдгэлзүүлэх асуудал байдаг. Тухайн хэрэг маргаан Үндсэн хуулийн хүрээнд байх, хүний үндсэн эрх зөрчигдөхгүй байх. Дараа нь залруулдах боломжгүй учраас. Урьдчилан сэргийлж л түдгшэлзүүлж байгаа шүү дээ. Түүнээс биш хэргийг бүр түдгэлзүүлж байгаа зүйл биш.

Жишээ нь Иргэний болон Захиргааны хэрэг дээр Эрүүгийн хэрэг үүсгэвэл шүүх түдгэлзүүлдэг. Эрүүгийн хэрэг эхлээд шийдэгдэг. Дараа нь түүнээс улбаатай хэрэг нь шийдэгддэг."

Түүний асуултанд УИХ-ын итгэмжлэгдсэн төлөөлөгч, УИХ-ын гишүүн Л.Мөнхбаатар хариуллаа.

Сэтгүүлч

Редактор Ц.Соёлмаа soko@vip76.mn