С.Одонтуяа: Цаг хугацаа хэмээх шударга шүүх "Анастасия Ивановна Филатова"-гийн үйл хэргийг үнэнээр тогтоолоо
2021.06.11

С.Одонтуяа: Цаг хугацаа хэмээх шударга шүүх "Анастасия Ивановна Филатова"-гийн үйл хэргийг үнэнээр тогтоолоо

УИХ-ын гишүүн С.Одонтуяа Цагаатгах ажлын удирдан зохион байгуулах комиссын даргын хувьд  А.И.Филатовагийн нэр төрийг сэргээж, цагаатгуулахаар иргэний хэргийн анхан шатны шүүхэд хандаж, өргөдөл хүсэлт гаргаж байгаа талаараа 2020.08.27-ны өдөр мэдээллэж байсан. 

Үр хүүхэд, ах дүү, төрөл төрөгсөд болон судлаач, түүхч эрдэмтэд, төрийн бус байгууллагуудаас А.И.Филатоваг цагаатгуулах асуудлаар төрийн байгууллага, албан тушаалтанд удаа дараа хандаж байсан хэдий ч албан ёсоор шийдвэрлэгдээгүй удсан юм.

Сүхбаатар дүүргийн Иргэний хэргийн анхан шатны шүүх 2021.06.07-ны өдөр хянан хэлэлцэн Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн 8 дугаар зүйлийн 8.4-т зааснаар БНМАУ-ын Ардын Их Хурлын Тэргүүлэгчдийн 1990 оны 4 дүгээр сарын 18-ны өдрийн 98 дугаар зарлигийг хүчингүй болгож, Анастасия Ивановна Филатоваг цагаатгаж шийдвэрлэлээ.

А.И.Филатова нь Монголын түүх, нийгэм, соёл, урлагийн салбарын хөгжилд, нэн ялангуяа хүүхдийн байгууллагыг үндэслэн байгуулагч, хүүхэд залуучуудын чиглэлээр идэвхтэй ажиллан Хүүхдийн соёл амралтын олон улсын найрамдал зуслан, Гэрлэх ёслолын ордонг санаачлан үнэтэй хувь нэмрээ оруулсан зууны эмэгтэй билээ.

Сэтгүүлч

Сэтгүүлч Ц.Соёлмаа soyolmaa@vip76.mn