УИХ-ын нэгдсэн чуулганы /2021,07,06/ өнөөдрийн хуралдаанаар “Монгол Улсын 2020 оны төсвийн гүйцэтгэл батлах тухай” Улсын Их Хурлын тогтоолын төслийн хоёр дахь хэлэлцүүлгийг хэлэлцлээ.

Хэлэлцэж байгаа асуудалтай холбогдуулан гишүүд асуулт асууж хариулт авлаа.

УИХ-ын гишүүн Б.Бейсен: 

Энэ цар тахалтай холбоотой хэд хэдэн асуулт байна. Эмчилгээний зардалд яг хэдэн төгрөг зарцуулсан бэ? Вакцин, амьсгалын аппарат,пср аппарат, гадаадаас ирж байгаа хүмүүсийн зардалд хэдэн төгрөг зарсан бэ? үүнийг баримттай сонсмоор байна. 

Эмнэлгийн ажилчдын цалингийн талаар ярьж байгаа. Үнэхээр энэ УИХ, Засгийн газар арай хатуу сэтгэлтэй байна. Эмч хүний хувьд хэлэхэд... талбай дээр жагсаж байгаа эмч нар  7,8 хонож байхад нэг нь ч очихгүй байна. Ард түмнийхээ төлөө нойр хоолгүй ажиллаж байна шүү дээ. Салбар хариуцсан сайд нь ч очихгүй байна. Энэ юу гэсэн үг вэ? 

Бодит байдал дээр цалин нь бага урамшуулал нь олгогдоогүй бүгд л цалингийн зээлтэй байна. Жорлонд 100 тэрбум төгрөг, ямаанд 300 тэрбум төгрөг зарсан. Тэгэхэд энэ эмч нарынхаа цалинг хардаа... Эрүүл мэндийн салбараа анхаарахгүй бол болохгүй байна. Гүйцэтгэлээр бүх юм хангалттай юм шиг ярьдаг. Бодит байдал дээр тйим биш байна. 

Түүний асуултанд ТБХ-ны дарга Ч.Хүрэлбаатар хариуллаа.